എഫ്‌സിആർഎ: ചർച്ചയ്‌ക്ക് തയാറെന്ന് കേന്ദ്രമന്ത്രിയുടെ ഉറപ്പ്, ആശങ്ക ഉണ്ടാക്കിയത് പൊളിച്ച് ബിജെപി അദ്ധ്യക്ഷൻ

തിരുവനന്തപുരം: വിദേശത്തുനിന്ന് പണം സ്വീകരിക്കുന്നതിലെ വ്യാജ ഇടപാടുകളും രാജ്യ വിരുദ്ധ പ്രവർത്തനങ്ങളും നിയന്ത്രിക്കുന്ന എഫ്‌സിആർഎ നിയമത്തിനെക്കുറിച്ച് ചിലർ പ്രചരിപ്പിച്ച ആശങ്കനുണകൾ പൊളിച്ചുവെന്ന് ബിജെപി അദ്ധ്യക്ഷൻ ഡോ. രാജീവ് ചന്ദ്രശേഖരൻ. ഈ വിഷയത്തിൽ ആർക്കൊക്കെ സംശയമുണ്ടോ അതെല്ലാം ദൂരീകരിക്കാൻ തയാറാണെന്നും ആശങ്ക മാറ്റിയശേഷമേ നിയമമാക്കൂ എന്ന് ന്യൂനപക്ഷ ക്ഷേമവകുപ്പ്- നിയമവകുപ്പുമന്ത്രി കിരൺ റിജിജു ഉറപ്പുനൽകിയെന്നും അതോടെ അതു സംബന്ധിച്ച ആശങ്കകൾ നീങ്ങിയെന്നും ഡോ. രാജീവ് പറഞ്ഞു.
ചർച്ചകൾക്ക് ദൽഹിക്കുചെല്ലാം, മന്ത്രി ഇങ്ങോട്ടു വരാനും തയാറാണ്. 80 ശതമാനം പേർക്കും മനസ്സിലായി എഫ്‌സിആർഎ പ്രശ്‌നമില്ലെന്ന്. ചില സമുദായത്തിനാണ് ആശങ്ക. അതു മാറ്റിയശേഷമേ ബിൽ പാസ്സാക്കൂ, രാജീവ് പറഞ്ഞു.