കൊല്ലം: കടയ്ക്കലിൽ യുവാവിനെ ക്രൂരമായി വെട്ടിക്കൊലപ്പെടുത്തി. വയല ശരത് ഭവനില് ശരത് (30) ആണ് കൊല്ലപ്പെട്ടത്. ശനിയാഴ്ച രാത്രിയോടെയാണ് സംഭവം. ശരത്തിന്റെ ശരീരത്തിൽ നിരവധി വെട്ടുകളും കുത്തുകളുമേറ്റ നിലയിലായിരുന്നു.
പ്രദേശത്തെ ഒരു ബാറിൽ വെച്ചുണ്ടായ വാക്കേറ്റവും സംഘർഷവുമാണ് കൊലപാതകത്തിൽ കലാശിച്ചതെന്നാണ് പ്രാഥമിക വിവരം. ബാറിലെ തർക്കത്തിന്റെ തുടർച്ചയായി ശരത്തിനെ പിന്തുടർന്നെത്തിയ സംഘം ആക്രമിക്കുകയായിരുന്നു. മൃതദേഹം തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി.
