പാലക്കാട്: സ്ത്രീ വിരുദ്ധ പരാമര്ശം നടത്തിയെന്ന് ആരോപിച്ച് പാലക്കാട്ടെ യുഡിഎഫ് സ്ഥാനാര്ഥി രമേഷ് പിഷാരടിക്കെതിരെ മഹിളാമോര്ച്ച പോലീസില് പരാതി നല്കി. മഹിളാമോര്ച്ചാ പാലക്കാട് ജില്ലാ പ്രസിഡന്റ് കവിതാ മേനോനാണ് ജില്ലാ പോലീസ് മേധാവിക്ക് പരാതി നല്കിയത്.
പിഷാരടി സ്ത്രീവിരുദ്ധ പരാമര്ശം നടത്തിയെന്നാണ് പരാതി. രാഹുല് മാങ്കൂട്ടത്തിലുമായി ബന്ധപ്പെട്ട് രമേഷ് പിഷാരടി നടത്തിയ പരാമര്ശമാണ് പരാതിക്ക് കാരണം. മാധ്യമപ്രവര്ത്തകരെ കാണുമ്പോഴായിരുന്നു രമേഷ് പിഷാരടിയുടെ പരാമര്ശമുണ്ടായത്.
രാഹുല് ചെയ്ത കാര്യങ്ങള് വ്യക്തിപരമെന്നും അതിനെ ചൂഴ്ന്ന് നോക്കാനാകില്ലല്ലോ എന്നുമാണ് രമേഷ് പിഷാരടി പറഞ്ഞത്. പീഡനങ്ങളെ വ്യക്തിപരമായി ചിത്രീകരിക്കുക വഴി ഇരകളെയും സ്ത്രീത്വത്തെയും അവഹേളിക്കുകയാണ് പിഷാരടി ചെയ്തതെന്നും പരാതിയില് പറയുന്നു.
