പാലക്കാട്: മെഗാസ്റ്റാര് മമ്മൂട്ടിയെ കാട്ടി തന്റെ സ്വന്തം ആള് എന്ന നിലയില് അഭിനയിച്ചുകൊണ്ടിരിക്കുകയാണ് കോണ്ഗ്രസ് സ്ഥാനാര്ത്ഥി രമേഷ് പിഷാരടി. മമ്മൂട്ടിയുമായി ‘എടാ പോടാ ബന്ധം’ ഉള്ളതുപോലെയാണ് പിഷാരടിയുടെ നാട്യം. രമേഷ് പിഷാരടിയുടെ ലക്ഷ്യം മമ്മൂട്ടിയെ കാട്ടി ന്യൂനപക്ഷ വോട്ടുകള് മുഴുവന് കൈപ്പത്തിയിലേക്ക് കൊണ്ടുവരിക എന്നതാണ്.
എന്നാല് അമ്മ സംഘടനയില് നടന്ന തെരഞ്ഞെടുപ്പില് പിഷാരടിയുടെ ദയനീയ തോല്വി മമ്മൂട്ടിയും പിഷാരടിയും തമ്മിലുള്ള ബന്ധം എത്രത്തോളമുണ്ടെന്ന് തുറന്നുകാണിക്കുന്നു. അന്ന് മമ്മൂട്ടി വിചാരിക്കുകയാണെങ്കില് പിഷാരടിയെ ജയിപ്പിക്കാമായിരുന്നു. പക്ഷെ മമ്മൂട്ടി വിചാരിച്ചില്ല. അതിനര്ത്ഥം അത്രയ്ക്ക് ബന്ധമേ ഇവര് തമ്മിലുള്ളൂ എന്നാണ്.
അമ്മ ഇലക്ഷനില് 506 വോട്ടുകളാണ് ഉണ്ടായിരുന്നത്. അതില് ഏറ്റവും കൂടുതല് വോട്ടുകള് നേടുന്ന 11 പേര് വിജയിക്കും. എന്നാല് പിഷാരടി ഈ 11 പേരില് ഉണ്ടായിരുന്നില്ല. മമ്മൂട്ടി വിചാരിച്ചിരുന്നെങ്കില് പിഷാരടിയെ ഈസിയായി വിജയിപ്പിക്കാമായിരുന്നു. ആ പിഷാരടി പാലക്കാട് എത്തി മമ്മൂട്ടിയെ വീഡിയോകാളില് വിളിക്കുന്നു. ജനങ്ങളും മാധ്യമങ്ങളും കണ്ടുനില്ക്കെ അത് ചെയ്യുന്നത് താന് മമ്മൂട്ടിയുടെ സ്വന്തം ആളാണെന്ന് വരുത്തിതീര്ക്കാനായിരുന്നു.
ഇനി പിഷാരടിയുടെ നിലപാട് നോക്കിയാല് നേരത്തെ മോദിയെ വാനോളം പുകഴ്ത്തിയ വ്യക്തിയാണ് പിഷാരടി. എന്നാല് ഇപ്പോള് ഈ തെരഞ്ഞെടുപ്പില് മോദിയെയും ബിജെപിയെയും കുറ്റം പറയുന്നു. പലസ്തീന് വീഷയത്തില് ഗാസയ്ക്കൊപ്പമായിരുന്നില്ല പിഷാരടി. എന്നാല് ഇപ്പോള് പാലക്കാട്ടെ ന്യൂനപക്ഷവോട്ടുകള് തന്നിലേക്കെത്തിക്കാന് അടവുകള് പതിനെട്ടും പയറ്റുകയാണ് പിഷാരടി.
