പട്ന: ബിഹാര് രാഷ്ട്രീയത്തില് കോണ്ഗ്രസ് മുക്ത് ബീഹാറിന് തുടക്കമാവുന്നു. രാജ്യസഭാ തിരഞ്ഞെടുപ്പില് ബിജെപി സ്ഥാനാര്ത്ഥികള് വിജയിച്ചത് മൂന്ന് കോണ്ഗ്രസ് എംഎല്എമാര് രാജ്യസഭാ തെരഞ്ഞെടുപ്പില് നിന്നും വിട്ടുനിന്നതുകൊണ്ടാണെന്നാണ് പുറത്തുവരുന്ന വാര്ത്തകള്.
എന്തായാലും ബീഹാര് നിയമസഭാ തെരഞ്ഞെടുപ്പ് കാലത്ത് ബിജെപി വോട്ടുകള് മോഷ്ടിക്കുന്നു എന്ന് ആരോപിച്ച് രാഹുല് ഗാന്ധി നടത്തിയ വോട്ട് അധികാര് യാത്രയും ആ യാത്രയ്ക്കിടയില് രാഹുല് ഗാന്ധി പങ്കെടുത്ത ഒരു പരിപാടിയില് സ്റ്റേജില് നിന്ന് കോണ്ഗ്രസുകാര് നരേന്ദ്രമോദിയുടെ അമ്മയെ തെറിവിളിച്ചതും എല്ലാം കോണ്ഗ്രസിനെ കാര്യമായി അവിടെ ബാധിച്ചിട്ടുണ്ട്. എന്തിന് രാഹുല് ഗാന്ധിയുമായി ചേര്ന്ന് ആവേശത്തോടെ പ്രവര്ത്തിച്ച തേജസ്വി യാദവ് തന്നെ വോട്ടെടുപ്പിന് മുന്പേ തന്നെ രാഹുലുമായി പിണങ്ങിയിരുന്നു. ആ പിണക്കം ഇപ്പോഴും തുടരുകയാണ്. കഴിഞ്ഞ ദിവസം രാഹുല് ഗാന്ധി ഉള്ളപ്പോള് തന്നെ കേരളത്തില് എത്തിയ തേജസ്വി യാദവ് കോണ്ഗ്രസിന് വേണ്ടിയല്ല, പിണറായി വിജയന് വേണ്ടിയാണ് പ്രസംഗിച്ചത്.
ഏറ്റവും പുതിയ വാര്ത്ത പ്രകാരം ബീഹാറില് ആകെയുള്ള ആറ് കോണ്ഗ്രസ് എംഎല്എമാരില് നാല് പേരെങ്കിലും വൈകാതെ ബിജെപിയിലേക്ക് കൂടുമാറുമെന്നാണ് പറയപ്പെടുന്നത്. കോണ്ഗ്രസിലെ ആറ് പേരില് നാല് എംഎല്എമാര് ഒന്നിച്ച് നീങ്ങിയാല് അവര്ക്ക് പിന്നീട് അയോഗ്യത ഭീഷണിയില്ലാതെയാകും. മൂന്ന് കോണ്ഗ്രസ് എംഎല്എമാര് ബീഹാര് നിയമസഭയില് രാജ്യസഭാംഗത്തെ തെരഞ്ഞെടുക്കാനുള്ള വോട്ടെടുപ്പില് നിന്നും വിട്ടുനിന്നിരുന്നു. മനോഹര് പ്രസാദ് സിങ്ങ് (മനിഹാരി), സുരേന്ദ്ര പ്രസാദ് (വാല്മീകി നഗര്),. മനോജ് ബിശ്വാസ് (ഫോബ്സ് ഗഞ്ച് ) എന്നീ മൂന്ന് കോണ്ഗ്രസ് എംഎല്എമാരാണ് രാജ്യസഭാ വോട്ടെടുപ്പില് നിന്നും വിട്ടുനിന്നത്. ഇവരുടെ വോട്ട് ലഭിക്കാത്തതിനാല് ബിജെപി-ജെഡിയു സര്ക്കാരിനെതിരായ ഇന്ത്യാമുന്നണിയുടെ രാജ്യസഭാ സ്ഥാനാര്ത്ഥിയായ അമരേന്ദ്ര ധാരി സിങ്ങ് പരാജയപ്പെട്ടിരുന്നു.
കോണ്ഗ്രസ് നിയമസഭാ കക്ഷിയില് കൃത്യമായ നേതാവോ വിപ്പോ ഇല്ലാത്തത് കോണ്ഗ്രസിനെ നാഥനില്ലാ കളരിയാക്കി മാറ്റിയിരിക്കുകയാണ്.
നിലവില് മൂന്ന് കോണ്ഗ്രസ് എംഎല്എ മാര് ബിജെപി അനുകൂല നിലപാട് എടുത്തതോടെ, നാലാമത്തെ കോണ്ഗ്രസ് എംഎല്എയും ബിജെപിയിലേക്ക് കാലു മാറും എന്നാണ് സൂചന. ബിഹാര് രാഷ്ട്രീയത്തില് പണ്ട് നിര്ണ്ണായക ശക്തിയായ കോണ്ഗ്രസ് ഇന്ന് സമാനതകളില്ലാത്ത ഒരു ‘നേതൃത്വ ശൂന്യത’ നേരിടുകയാണ്. പാര്ട്ടിയെ നയിക്കാന് ശക്തനായൊരു നേതാവോ കൃത്യമായ രാഷ്ട്രീയ ദിശാബോധമോ ഇല്ലാത്തത് നിയമസഭാ കക്ഷിക്കുള്ളില് വലിയ അസ്വസ്ഥതകള്ക്ക് കാരണമായിട്ടുണ്ട്.
ബീഹാറിലെ നിയമസഭയിലെ വിവിധ പാര്ട്ടികളും സീറ്റുകളും:
ബി.ജെ.പി – 89
രാഷ്ട്രീയ ജനതാദള് (ആര്ജെഡി) തേജസ്വി യാദവ്– 25
ജനതാദള് യുണൈറ്റഡ് (ജനതാദള് യു) നിതീഷ് കുമാര് -85
കോണ്ഗ്രസ് – 6
ലോക് ജനശക്തി പാര്ട്ടി (എല്ജെപി)– 19 ഹിന്ദുസ്ഥാനി അവാം മോര്ച്ച – 5 എഐഎംഐഎം – 5 മറ്റുള്ളവര് – 9 ‘മാര്ച്ച് 16-ന് നടന്ന രാജ്യസഭാ തിരഞ്ഞെടുപ്പില് ബിഹാറിലെ അഞ്ച് സീറ്റുകളിലും എന്ഡിഎ തകര്പ്പന് വിജയം നേടിയിരുന്നു.
