കോട്ടയം: ബിജെപിയെപ്പോലെ ഇത്രയും ക്രിസ്ത്യാനികളെ അംഗീകരിച്ച ഒരു രാഷ്ട്രീയ പാര്ട്ടി വേറെ ഉണ്ടായിട്ടില്ലെന്ന് പി സി ജോര്ജ്. കോണ്ഗ്രസ് ഭരിച്ചപ്പോള് പോലും ഇത്രയും ക്രിസ്ത്യാനികളായ മുഖ്യമന്ത്രിമാരുണ്ടായിട്ടുണ്ടോയെന്ന് അദ്ദേഹം ചോദിച്ചു.
ഇതൊക്കെ ഒളിച്ചുവെച്ചുകൊണ്ട് പിതാക്കന്മാര് ഇങ്ങനെ ഊളത്തരം പറയാന് പാടില്ല. അതുകൊണ്ടാണ് ഇങ്ങനെ കടുപ്പിച്ച് പറയുന്നത്- പിസി ജോര്ജ് പറഞ്ഞു.
എഫ്സിആര്എ ഭേദഗതിയുമായി ബന്ധപ്പെട്ട് കേന്ദ്ര സര്ക്കാരിനെയും സംസ്ഥാനത്തെ ബിജെപിയും ചിലര് വിമര്ശിക്കുന്നതിനെതിരെയാണ് പി സി ജോര്ജ് രംഗത്തെത്തിയത്. ബിജെപിയുടെ മാന്യത കൊണ്ടാണ് ക്രിസ്ത്യാനികളെ ചുമന്നുകൊണ്ട് നടക്കുന്നത്. ഇന്ത്യയിലാകെ രണ്ടേകാല് ശതമാനം ക്രിസ്ത്യാനികളെ ഉള്ളൂ.ചില പിതാക്കന്മാര്ക്ക് ബി ജെ പി എന്ന് കേട്ടാല് ഹാലിളകും. ഇവര്ക്കൊന്നും തലയ്ക്ക് സ്ഥിരതയില്ല. പുതിയ നിയമഭേദഗതിയില് ആര്ക്കും ആശങ്ക വേണ്ടതില്ലെന്നും പി സി ജോര്ജ് പറഞ്ഞു.
പൂഞ്ഞാറിലെ എന്ഡിഎ സ്ഥാനാര്ത്ഥിയാണ് പി സി ജോര്ജ്.
