ആലപ്പുഴ: കായംകുളത്തെ എല്ഡിഎഫ് സ്ഥാനാര്ഥി യു പ്രതിഭക്കെതിരെ സ്ത്രീവിരുദ്ധ പരാമര്ശം നടത്തിയ യുഡിഎഫ് നേതാവ് എ ഇര്ഷാദിനെ യുഡിഎഫ് നിയോജക മണ്ഡലം ചെയര്മാന് സ്ഥാനത്തുനിന്ന് നീക്കി.മുസ്ലീം ലീഗിന്റെ പ്രാഥമിക അംഗത്വത്തില് നിന്ന് സസ്പെന്ഡ് ചെയ്തു. അതിനിടെ, സ്ത്രീവിരുദ്ധ പരാമര്ശത്തില് കേന്ദ്ര തിരഞ്ഞെടുപ്പ് കമ്മിഷന് സി പി എം നേതാവ് പി കെ ശ്രീമതി പരാതി നല്കി.
കഴിഞ്ഞ ദിവസം വൈകുന്നേരം കായംകുളത്ത് നടന്ന യുഡിഎഫ് തിരഞ്ഞെടുപ്പ് കണ്വെന്ഷനില് ആയിരുന്നു മുസ്ലിം ലീഗ് നേതാവും കായംകുളം യുഡിഎഫ് കണ്വീനറുമായ എ ഇര്ഷാദിന്റെ സ്ത്രീവിരുദ്ധ പരാമര്ശം. സിറ്റിംഗ് എംഎല്എയായ പ്രതിഭയുടെ മണ്ഡലത്തിലെ പ്രവര്ത്തനങ്ങളെ വിമര്ശിക്കുന്നതിനിടെയാണ് സ്ത്രീവിരുദ്ധ പ്രസ്താവന. സംഭവം വിവാദമായതോടെ ഇര്ഷാദ് ഖേദം പ്രകടിപ്പിച്ചു.
എന്നാല്, മാപ്പ് അംഗീകരിക്കാന് ആവില്ല എന്നും വ്യക്തിപരമായ അധിക്ഷേപം വലിയ വേദന ഉണ്ടാക്കിയെന്നും വികാരാധീനയായി യു പ്രതിഭ പ്രതികരിച്ചു. സംഭവത്തില് പ്രതിഷേധം സംഘടിപ്പിക്കാനും നിയമപരമായി മുന്നോട്ടുപോകാനുമാണ് എല്ഡിഎഫ് തീരുമാനം.
