കീവ് : ഗൾഫ് രാജ്യങ്ങളിലേക്ക് തങ്ങളുടെ സൈനിക വിദഗ്ധരെ വിന്യസിക്കാൻ ഉക്രെയ്ൻ പദ്ധതിയിടുന്നതായി ഉക്രെയ്ൻ പ്രസിഡന്റ് വോളോഡിമർ സെലെൻസ്കി പറഞ്ഞു. ഇറാനിയൻ ഡ്രോണുകൾക്കും മിസൈലുകൾക്കും എതിരെ പ്രതിരോധിക്കാൻ ഈ രാജ്യങ്ങളെ ഇത് സഹായിക്കും.
കഴിഞ്ഞ രണ്ട് ദിവസമായി ഈ വിഷയത്തിൽ യുണൈറ്റഡ് അറബ് എമിറേറ്റ്സ്, ഖത്തർ, ജോർദാൻ, ബഹ്റൈൻ എന്നീ രാജ്യങ്ങളുടെ നേതാക്കളുമായി സംസാരിച്ചതായി സെലെൻസ്കി പറഞ്ഞു. ഡ്രോൺ, മിസൈൽ ആക്രമണങ്ങൾ തടയുന്ന വിഷയത്തിൽ ഞങ്ങളുടെ ടീമുകൾ ഈ രാജ്യങ്ങളുമായി സഹകരിക്കുമെന്നും സെലെൻസ്കി വ്യക്തമാക്കി.
അതേ സമയം തന്നെ ഇറാന്റെ മൊബൈൽ മിസൈൽ ലോഞ്ചർ അമേരിക്ക ആക്രമിച്ചു.
ഇറാന്റെ മൊബൈൽ മിസൈൽ വിക്ഷേപണ ശേഷി നശിപ്പിക്കാൻ ശ്രമിക്കുകയാണെന്ന് യുഎസ് സെൻട്രൽ കമാൻഡ് പുറത്തിറക്കിയ പ്രസ്താവനയിൽ പറഞ്ഞു. “ഈ ഭീഷണികൾ ഞങ്ങൾ കണ്ടെത്തുകയും മാരകമായ കൃത്യതയോടെ അവയെ ഇല്ലാതാക്കുകയും ചെയ്യുന്നു,” – പ്രസ്താവനയിൽ പറഞ്ഞു.
മൊബൈൽ മിസൈൽ ലോഞ്ചറുകളാണെന്ന് അവകാശപ്പെടുന്ന ആക്രമണങ്ങളുടെ വീഡിയോകൾ സെൻട്രൽ കോം ഇതിനോടകം പ്രദർശിപ്പിച്ചിട്ടുണ്ട്.
