വാഷിങ്ടൺ: സർക്കാരിന്റെ നിയന്ത്രണം പിടിച്ചെടുക്കാൻ ഇറാനിയൻ ജനതയോട് ആഹ്വാനം ചെയ്ത് അമേരിക്കൻ പ്രസിഡൻ്റ് ഡൊണാൾഡ് ട്രംപ്. ഇറാനിലെ ഭരണമാറ്റമാണ് ഞങ്ങളുടെ അന്തിമ ലക്ഷ്യം. ഞങ്ങൾ പൂർത്തിയാക്കിക്കഴിഞ്ഞാൽ, നിങ്ങളുടെ സർക്കാർ ഏറ്റെടുക്കുക. തലമുറകൾക്കുള്ള നിങ്ങളുടെ ഒരേയൊരു അവസരമായിരിക്കും ഇതെന്നും ട്രം പ് ഇറാനിലെ ജനങ്ങളോട് പറഞ്ഞു.
ഇറാനെതിരെ അമേരിക്ക ആക്രമണം നടത്തിയെന്ന് വ്യക്തമാക്കുന്ന ഒരു വീഡിയോയും യുഎസ് പ്രസിഡന്റ് ഡൊണാൾഡ് ട്രംപ് പുറത്തിറക്കി. നിങ്ങൾ അമേരിക്കയുടെ അതിശക്തമായ പിന്തുണ അമേരിക്ക നൽകുമെന്നും ട്രം പ് വ്യക്തമാക്കി. നിങ്ങളുടെ സ്വാതന്ത്ര്യത്തിന്റെ സമയം അടുത്തിരിക്കുന്നു. സുരക്ഷിതരായി ഇരിക്കുക. നിങ്ങളുടെ വീട് വിട്ട് പുറത്തിറങ്ങരുത്. പുറത്തിറങ്ങുന്നത് വളരെ അപകടകരമാണ്. എല്ലായിടത്തും ബോംബുകൾ വീഴും. വർഷങ്ങളായി നിങ്ങൾ അമേരിക്കയുടെ സഹായം അഭ്യർത്ഥിച്ചിട്ടുണ്ടെങ്കിലും നിങ്ങൾക്ക് അത് ഒരിക്കലും ലഭിച്ചില്ല. ഇപ്പോൾ നിങ്ങൾക്ക് ആവശ്യമുള്ളത് നൽകുന്ന ഒരു പ്രസിഡന്റുണ്ടെന്ന് ട്രംപ് പറഞ്ഞു.
ഹൈഫ ഉൾപ്പെടെ ഇസ്രായേലിലെ നിരവധി നഗരങ്ങളെ ലക്ഷ്യമിട്ട് ഇറാൻ റോക്കറ്റുകൾ വിക്ഷേപിച്ചിട്ടുണ്ട്. ആക്രമണത്തെ തുടർന്ന് ജറുസലേം, ടെൽ അവീവ് എന്നിവയുൾപ്പെടെ പ്രധാന ഇസ്രായേലി നഗരങ്ങളിൽ സൈറണുകൾ മുഴങ്ങി. ഇസ്രായേലിലേക്ക് മിസൈലുകൾ തൊടുക്കാനുള്ള സാധ്യതയെക്കുറിച്ച് പൊതുജനങ്ങളെ സജ്ജരാക്കുന്നതിനാണ് വ്യോമാക്രമണ സൈറണുകൾ മുഴക്കിയതെന്ന്” ഇസ്രായേൽ സൈന്യം പറഞ്ഞു. അധികൃതർ സ്ഥിതിഗതികൾ സൂക്ഷ്മമായി നിരീക്ഷിച്ചതിനാൽ താമസക്കാരോട് ജാഗ്രത പാലിക്കാനും സുരക്ഷാ നിർദ്ദേശങ്ങൾ പാലിക്കാനും ആവശ്യപ്പെട്ടു.
