ന്യൂദൽഹി: ഭാരതവും ഇസ്രായേലും ഉഭയകക്ഷി ബന്ധം വികസിപ്പിക്കുന്നത് തുടരുന്ന സാഹചര്യത്തിൽ, പ്രത്യേകിച്ച് പ്രതിരോധ മേഖലയിൽ, ദൽഹി അയൺ ഡോം സിസ്റ്റം വാങ്ങുമോ എന്നതിലേക്ക് ശ്രദ്ധ കേന്ദ്രീകരിച്ചിരിക്കുന്നു. രണ്ട് ദിവസത്തെ ഇസ്രായേൽ സന്ദർശനത്തിനെത്തിയ പ്രധാനമന്ത്രി നരേന്ദ്ര മോദി സ്വാതന്ത്ര്യദിന പ്രസംഗത്തിൽ ‘മിഷൻ സുദർശൻ ചക്ര’ പ്രഖ്യാപിച്ചിരുന്നു, ഇത് മൾട്ടിലെയേർഡ്, ഇന്റർലോക്ക്ഡ് എയർ ഡിഫൻസ് സിസ്റ്റമായിരിക്കും.
ഇന്നും നാളെയുമായി ഇതുസംബന്ധിച്ച് നിർണ്ണായക തീരുമാനം അറിയാം.
അയൺ ഡോം, അയൺ ബീം തുടങ്ങിയ വ്യോമ പ്രതിരോധ സംവിധാനങ്ങളിലേക്ക് സാങ്കേതികവിദ്യ കൈമാറാൻ ഇസ്രായേൽ സമ്മതിച്ചേക്കാമെന്നാണ് ഒന്നിലേറെ റിപ്പോർട്ടുകൾ സൂചന നൽകുന്നു. അയൺ ഡോം ഇസ്രായേലിന്റെ പ്രാഥമിക വ്യോമ പ്രതിരോധ സംവിധാനമാണെങ്കിലും, ഡ്രോണുകളെയും മറ്റ് വ്യോമ ഭീഷണികളെയും നിർവീര്യമാക്കാൻ അയൺ ബീം ഉപയോഗിക്കുന്നു.
‘മിഷൻ സുദർശൻ ചക്ര’ യെ അറിയാം
കഴിഞ്ഞ വർഷം ചെങ്കോട്ടയിൽ നിന്നുള്ള സ്വാതന്ത്ര്യദിന പ്രസംഗത്തിലാണ് പ്രധാനമന്ത്രി മോദി ‘മിഷൻ സുദർശൻ ചക്ര’ പ്രഖ്യാപിച്ചത്. അതു പ്രകാരം, 2035 ഓടെ പൂർത്തിയാകുന്ന ഈ പദ്ധതി, രാജ്യത്തിന്റെ എല്ലാ പ്രധാന അടിസ്ഥാന സൗകര്യങ്ങളെയും സംരക്ഷിക്കും. ഭഗവാൻ കൃഷ്ണന്റെ ദിവ്യായുധമായ ‘സുദർശൻ ചക്ര’യിൽ നിന്നാണ് ഈ പേര് ഉരുത്തിരിഞ്ഞത്.
- മൂന്ന് പാളികളാണ് ഈ സുരക്ഷാ സംവിധാനത്തിന്.
- താഴേത്തട്ടിലെ പാളിക്ക്, ഡ്രോണുകൾ, ചെറിയ റോക്കറ്റുകൾ, മോർട്ടാർ ഷെല്ലുകൾ എന്നിവയ്ക്കെതിരെ പ്രതിരോധം ഈ ഇസ്രായേലി സാങ്കേതികവിദ്യയിലൂടെ ലഭിക്കും.
അത്യാധുനിക റഡാർ, സെൻസറുകൾ, അക അധിഷ്ഠിത ട്രാക്കിംഗ് സംവിധാനങ്ങൾ എന്നിവ ഉൾക്കൊള്ളുന്ന അയൺ ഡോമിന് സമാനമായിരിക്കാം ഇത്. അതിർത്തി പ്രദേശങ്ങൾ, പ്രത്യേകിച്ച് അവിടത്തെ സൈനിക അടിസ്ഥാന സൗകര്യങ്ങൾ സുരക്ഷിതമാക്കാൻ ഇത് സഹായിക്കും.- മധ്യത്തിലുള്ള നിരയ്ക്ക്, ക്രൂയിസ് മിസൈലുകൾക്കും യുദ്ധവിമാനങ്ങൾക്കും എതിരെ സുരക്ഷാ പ്രതിരോധം നൽകാനാകും. സൈബർ പ്രതിരോധത്തിനും തത്സമയ ഡാറ്റ പങ്കിടലിനുമുള്ള സംവിധാനങ്ങൾ ഉൾക്കൊള്ളുന്ന ബരാക് 8, എംആർ-എസ്എഎം, എൽ-ആർഎസ്എം എന്നിവയുടെ നൂതന സംവിധാനങ്ങൾ ഇതിൽ ഉൾപ്പെടും.– മുകൾത്തട്ടിലെ മൂന്നാം പാളിക്ക്, ആണവ ശേഷിയുള്ള ബാലിസ്റ്റിക് മിസൈലുകൾ പ്രതിരോധിക്കാനാവും. ബഹിരാകാശത്തോ അന്തരീക്ഷത്തിന്റെ മുകൾ പാളികളിലോ മിസൈലുകൾ നശിപ്പിക്കാൻ ലക്ഷ്യമിടുന്ന ആരോ മിസൈൽ പ്രതിരോധ സംവിധാനത്തിന് സമാനമായ സാങ്കേതികവിദ്യകൾ ഇതിൽ ഉൾപ്പെടും. രാജ്യത്തിന്റെ തന്ത്രപരമായ ആസ്തികൾ സുരക്ഷിതമാക്കുന്നതിൽ ഇത് അവസാനത്തേതും ശക്തവുമായ പ്രതിരോധ നിരയായിരിക്കും.
-അയൺ ഡോമിന് ഭാരതത്തിന്റെ അഡിഎസ് എങ്ങനെ കൂടുതൽ ശക്തിപ്പെടുത്താനാകുമെന്ന് നോക്കാം.
പാകിസ്ഥാൻ ഡ്രോണുകളെയും ചൈനയുടെ സ്വാം ഡ്രോൺ തന്ത്രത്തെയും നേരിടാൻ അയൺ ഡോം സഹായിക്കും.
ഇസ്രായേൽ വികസിപ്പിച്ചെടുത്ത അയൺ ഡോം സിസ്റ്റത്തിന്റെ വിജയം 90 ശതമാനം വരെ ഉറപ്പായിട്ടുണ്ട്.
- റോക്കറ്റുകൾ, മോർട്ടാറുകൾ, ഹ്രസ്വദൂര മിസൈലുകൾ, ഡ്രോണുകൾ എന്നിവയ്ക്കെതിരെ ഇത് ഫലപ്രദമാണ്.
- ശൂന്യമായ പ്രദേശങ്ങളിൽ പതിച്ചേക്കാവുന്ന മിസൈലുകളും പ്രൊജക്ടൈലുകളും ഇത് ഒഴിവാക്കുന്നു.
- തത്സമയ ഭീഷണികൾ വിശകലനം ചെയ്യുന്നതിനും ഇത് സഹായിക്കും.
- ഒരു ലോഞ്ചറിൽ ഏകദേശം 20 തമിർ ഇന്റർസെപ്റ്റർ മിസൈലുകൾ ഉണ്ട്.
പ്രധാനമന്ത്രി മോദിയുടെ ഈ ഇസ്രായേൽ സന്ദർശനം നിർണായകമായിരിക്കുന്നത് പല തരത്തിലാണ്.
ഹെറോൺ എംകെ2 ഡ്രോണുകളും ബരാക്8 മിസൈൽ പ്രതിരോധ സംവിധാനവും വാങ്ങുന്നത് ഉൾപ്പെടെയുള്ള പ്രധാന പ്രതിരോധ കരാറുകളിൽ ഭാരതവും ഇസ്രായേലും ഒപ്പുവെച്ചേക്കാമെന്നതിനാൽ, പ്രധാനമന്ത്രി മോദിയുടെ ഈ സന്ദർശനം നിർണായകമാണ്. കഴിഞ്ഞ വർഷം മെയ് മാസത്തിൽ നടന്ന നാല് ദിവസത്തെ ഓപ്പറേഷൻ സിന്ദൂരിൽ ഈ സംവിധാനങ്ങൾ പ്രത്യേകിച്ചും വിജയകരമായിരുന്നു എന്നത് അനുഭവമാണ്.
