ന്യൂദല്‍ഹി: രാഹുല്‍ ഗാന്ധിയെ പൂര്‍ണ്ണമായും തള്ളിപ്പറഞ്ഞ് കോണ്‍ഗ്രസ് നേതാവ് മണിശങ്കര്‍ അയ്യര്‍. ഇന്‍ഡിസഖ്യത്തിന്റെ നേതാവാകാന്‍ രാഹുല്‍ യോഗ്യനല്ലെന്നും മണിശങ്കര്‍ അയ്യര്‍ പറഞ്ഞു.
പക്ഷെ ഇതാദ്യമായാണ് മണിശങ്കര്‍ അയ്യര്‍ രാഹുല്‍ ഗാന്ധിയെ പരസ്യമായി തള്ളിപ്പറയുന്നത്. കേരളത്തില്‍ എത്തിയ മണിശങ്കര്‍ അയ്യര്‍ പിണറായി വിജയന്‍ വീണ്ടും മുഖ്യമന്ത്രിയായി വരും എന്ന് പ്രസംഗിച്ചതും വലിയ വിവാദമായിരിക്കുകയാണ്.
ജയറാം രമേശിന്റെ മരപ്പാവയാണ് പവന്‍ ഖേരയെന്ന് മണിശങ്കര്‍ അയ്യര്‍
കോണ്‍ഗ്രസ് വക്താവായ പവന്‍ഖേരയ്‌ക്കെതിരെയും മണിശങ്കര്‍ അയ്യര്‍ ആഞ്ഞടിച്ചു. വെറും പാവയാണെന്നും ജയറാം രമേശ് എന്ത് പറയുന്നോ അത് അതുപോലെ ആവര്‍ത്തിക്കുന്ന ആള്‍ മാത്രമാണെന്നും മണിശങ്കര്‍ അയ്യര്‍ കുറ്റപ്പെടുത്തി.
പവന്‍ഖേരയെപ്പോലെ ഒരാളെ വക്താവാക്കിയ കോണ്‍ഗ്രസ് വെറും ഭോഷ്ക്
“ദല്‍ഹിയില്‍ പവന്‍ ഖേര സിപിഎം പൊളിറ്റ് ബ്യൂറോ നേതാവ് എംഎ ബേബിയുമായി വളരെ അടുത്തയാളാണ്. അതേ സമയം കേരളത്തില്‍ ഞാന്‍ പിണറായിവിജയനെ പുകഴ്‌ത്തിയതിനെ കുറ്റപ്പെടുത്തുന്നു.എന്ത് തരം കോണ്‍ഗ്രസ് നേതാവാണ് ഈ പവന്‍ ഖേര?. ഇങ്ങിനെയുള്ള പവന്‍ഖേരയെപ്പോലെയുള്ള ഒരാളെ പാര്‍ട്ടി വക്താവാക്കിയ കോണ്‍ഗ്രസ് എത്ര ഭോഷ്കാണ്. “- മണിശങ്കര്‍ അയ്യര്‍ ചോദിച്ചു.
ഞാന്‍ രാജീവിന്റെ അനുയായി ആയിരുന്നു, പക്ഷെ രാഹുല്‍ അനുയായി അല്ല-മണിശങ്കര്‍ അയ്യര്‍
കോണ്ഗ്രസിന്റെ വഴിപിഴച്ച പോക്കില്‍ നിരാശനായ മണി ശങ്കര്‍ അയ്യരെയാണ് കേരളത്തിലെ സന്ദര്‍ശനത്തില്‍ കണ്ടത്. “ഞാന്‍ ഗാന്ധിയനാണ്, നെഹ്രുപക്ഷക്കാരനാണ്, രാജീവ് പക്ഷക്കാരനാണ്….പക്ഷെ രാഹുല്‍ പക്ഷക്കാരനല്ല”- മണി ശങ്കര്‍ അയ്യര്‍ പറഞ്ഞു. മണിശങ്കര്‍ അയ്യര്‍ ഇത്രയും പരസ്യമായി രാഹുല്‍ ഗാന്ധിയെ കടന്നാക്രമിക്കുന്നത് ഇതാദ്യം.
കോണ്‍ഗ്രസ് കേന്ദ്രം ഭരിച്ചിരുന്നപ്പോള്‍ ഒന്നിലധികം തവണ പഞ്ചായത്തീരാജ് മന്ത്രിയായിരുന്നു അയ്യര്‍. ഒരു തവണ പെട്രോളിയം മന്ത്രിയുമായിഒരു കാലത്ത് കോണ്‍ഗ്രസിലെ മുന്‍നിര ബുദ്ധിജീവികളില്‍ ഒരാളായിരുന്നു ഡൂണ്‍സ്കൂള്‍, സെന്‍റ് സ്റ്റീഫന്‍സ് കോളെജ്, കേംബ്രിഡ്ജ് യൂണിവേഴ്സിറ്റി എന്നിവിടങ്ങളില്‍ വിദ്യാഭ്യാസം നേടിയ മണിശങ്കര്‍ അയ്യര്‍.
