കാലടി : പച്ചക്കറി കടയിലെ മോഷണക്കേസിൽ യുവാവ് അറസ്റ്റിൽ. പത്തനംതിട്ട പന്തളം മുടിയൂർക്കോണം വൃന്ദാവൻ വീട്ടിൽ ശ്യാംകുമാർ (36) നെയാണ് കാലടി പോലീസ് അറസ്റ്റ് ചെയ്തത്. കഴിഞ്ഞ 24 ന് നീലീശ്വരം സ്വദേശിനിയും ഭർത്താവും കൂടി നീലീശ്വരം ജംഗ്ഷനിൽ നടത്തുന്ന പച്ചക്കറി കടയിൽ കയറി ബാഗിനകത്ത് സൂക്ഷിച്ചിരുന്ന 24000 രൂപ മോഷ്ടിച്ചെടുക്കുകയായിരുന്നു.
ശ്യാംകുമാറിനെതിരെ കരീലക്കുളങ്ങര, മാവേലിക്കര എന്നീ പോലീസ് സ്റ്റേഷനുകളിൽ വേറെയും മോഷണം കേസുകളുണ്ട്.അന്വേഷണസംഘത്തിൽ ഇൻസ്പെക്ടർ അനിൽ കുമാർ റ്റി മേപ്പിള്ളി, എസ് ഐ എം.എസ്.ശ്യാം, എ എസ് ഐ ഷൈജു അഗസ്റ്റിൻ, സിപിഒ മാരായ നിഖിൽ, ധനേഷ് എന്നിവരാണ് ഉണ്ടായിരുന്നത്.
