പാലക്കാട് :ഡീന് കുര്യാക്കോസ് എംപിക്ക് അറസ്റ്റ് വാറണ്ട്.പൊലീസ് ഉദ്യോഗസ്ഥരെ കയ്യേറ്റം ചെയ്തെന്ന കേസില് ആണ് ഇത്.
പാലക്കാട് ഒറ്റപ്പാലം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയുടേതാണ് നടപടി.2018ല് ഷൊര്ണൂരിലെ അന്നത്തെ എംഎല്എക്കെതിരായ സ്ത്രീ പീഡന കേസില് നടപടി സ്വീകരിക്കണമെന്ന് ആവശ്യപ്പെട്ട് നടത്തിയ പ്രതിഷേധത്തിനിടെ പൊലീസ് ഉദ്യോഗസ്ഥരെ കയ്യേറ്റം ചെയ്തെന്നാണ് കേസ്.
ഷൊര്ണൂര് പൊലീസ് രജിസ്റ്റര് ചെയ്ത കേസാണിത്.കേസില് കോടതി മുമ്പാകെ ഹാജരാകാത്തതിനെ തുടര്ന്നാണ് അറസ്റ്റ് ചെയ്ത് ഹാജരാക്കാന് കോടതി ഉത്തരവിട്ടത്.കോടതി കേസ് വീണ്ടും ഫെബ്രുവരി രണ്ടിന് പരിഗണിക്കും.
2018ലെ പ്രക്ഷോഭത്തിനിടെ റോഡ് ഉപരോധിച്ചു, ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥനെ പരിക്കേല്പ്പിച്ചു എന്നിങ്ങനെയാണ് കേസ്.
