കോട്ടയം: എന് എസ് എസ് -എസ് എന് ഡി പി ഐക്യത്തെ കുറിച്ചുളള ചര്ച്ചകള് നടക്കവെ എന്എസ്എസ് ആസ്ഥാനത്ത് സന്ദര്ശനം നടത്തി കോണ്ഗ്രസ് നേതാവ് കൊടിക്കുന്നില് സുരേഷ്.ആദ്യം എന്എസ്എസ് ആസ്ഥാനത്ത് എത്തിയ കൊടിക്കുന്നില് സുരേഷ് മാധ്യമങ്ങളെ കണ്ടതോടെ കാറില് നിന്ന് പുറത്തിറങ്ങാതെ മടങ്ങി.
ഇത് വാര്ത്ത ആയതോടെ പിന്നീട് തിരികെ എത്തി ജനറല് സെക്രട്ടറി ജി. സുകുമാരന് നായരെ കണ്ടുമടങ്ങി.താന് ചങ്ങനാശേരിയില് വരുമ്പോള് ജി സുകുമാരന് നായരെ സന്ദര്ശിക്കാറുണ്ടെന്ന് മാധ്യമങ്ങളോട് പ്രതികരിക്കവെ കൊടിക്കുന്നില് പറഞ്ഞു.എപ്പോഴും ഇവിടെ വരാനുള്ള സ്വാതന്ത്ര്യമുണ്ടെന്നും അദ്ദേഹം പ്രതികരിച്ചു.അതിന് പ്രത്യേക അനുമതി വാങ്ങേണ്ട ആവശ്യമില്ല.
നേരത്തെ മാധ്യമങ്ങളെ കണ്ടതോടെയാണ് മടങ്ങിയത്. നിലവിലെ സാഹചര്യത്തില് താന് എന്ത് പറഞ്ഞാലും അത് മറ്റൊരുതരത്തില് വ്യാഖ്യാനിക്കപ്പെടുമെന്നും കൊടിക്കുന്നില് സുരേഷ് പ്രതികരിച്ചു.രാഷ്ട്രീയ പ്രതികരണം ഇവിടെ വെച്ച് നടത്തുന്നില്ല. പ്രതിപക്ഷ നേതാവിന്റെ നിലപാടിനെക്കുറിച്ച് ഇപ്പോള് അഭിപ്രായം പറയുന്നില്ലെന്നും കൊടിക്കുന്നില് സുരേഷ് കൂട്ടിച്ചേര്ത്തു.
