മലേഷ്യ ഓപ്പണ്‍ ബാഡ്‌മിന്റണ്‍; സിന്ധു ക്വാര്‍ട്ടറില്‍

ക്വാലാലംപൂര്‍: മലേഷ്യ ഓപ്പണ്‍ ബാഡ്‌മിന്റണില്‍ ഇന്ത്യയുടെ പി വി സിന്ധു ക്വാര്‍ട്ടര്‍ ഫൈനലില്‍. വനിതാ സിംഗിള്‍സില്‍ ജപ്പാന്റെ ടോമോക്ക മിയാസാക്കിയെ നേരിട്ടുള്ള സെറ്റുകള്‍ക്ക് അനായാസമാണ് സിന്ധു പ്രീക്വാര്‍ട്ടറില്‍ തോല്പിച്ചത്. സ്കോര്‍ 21–8, 21–13.
അതേസമയം പുരുഷ സിംഗിള്‍സില്‍ ഇന്ത്യയുടെ ലക്ഷ്യ സെന്നും ആയുഷ് ഷെട്ടിയും പ്രീക്വാര്‍ട്ടറില്‍ പുറത്തായി. ഹോങ്കോങ് താരം ലീ ച്യൂക്ക് യിയുനോടാണ് ലക്ഷ്യയുടെ തോല്‍വി. സ്കോര്‍ 22–20, 21–15. മൂന്ന് സെറ്റ് നീണ്ട പോരാട്ടത്തില്‍ ചൈനീസ് താരം ഷി യുഖിയോടാണ് ആയുഷിന്റെ തോല്‍വി. സ്കോര്‍ 21–18, 18–21, 21–12.