തൃശൂര്‍ : ആധാര്‍ മുദ്ര രൂപകല്‍പന ചെയ്യാനുളള മത്സരത്തില്‍ തൃശൂര്‍ സ്വദേശി അരുണ്‍ ഗോകുല്‍ ഒന്നാം സ്ഥാനം നേടി. സമ്മാനമായി 50000 രൂപയും സര്‍ട്ടിഫിക്കറ്റുമാണ് ലഭിക്കുക.
കേന്ദ്ര ഇലക്ട്രോണിക്‌സ് -ഇന്‍ഫര്‍മേഷന്‍ ടെക്‌നോളജി മന്ത്രാലയത്തിന്റെ കീഴിലുളള യുണീക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യയാണ് മത്സരം സംഘടിപ്പിച്ചത്. മൈ ഗവ് പ്ലാറ്റ്‌ഫോമിലായിരുന്നു മത്സരം.
‘ ഉദയ് ‘ എന്ന പേരില്‍ അരുണ്‍ ഗോകുല്‍ രൂപകല്‍പന ചെയ്ത ചിഹ്നം ആകര്‍ഷകമാണെന്നും ജനസൗഹൃദപരമാണെന്നും വിലയിരുത്തി.ആധാര്‍ സേവനങ്ങള്‍ ലളിതമായി മനസിലാക്കുന്നതിനും ഇന്ത്യയുടെ ഡിജിറ്റല്‍ സ്വത്വം പ്രോത്സാഹിപ്പിക്കുകയുമാണ് ‘ ഉദയ്’ ചിഹ്നത്തിലൂടെ ലക്ഷ്യമിടുന്നത്.
