ന്യൂദല്‍ഹി: ലോകമെങ്ങും ഭാവിയിലെ ആയുധമായി ലേസര്‍ ആയുധങ്ങള്‍ വ്യാപകമാവുകയാണ്. ഈയിടെ ബ്രിട്ടന്‍ ശത്രുഡ്രോണുകളെ നിമിഷങ്ങള്‍ക്കുള്ളില്‍ ചാമ്പലാക്കുന്ന ഡ്രാഗണ്‍ ഫയര്‍ ലേസര്‍ ഡയറക്ട് എനര്‍ജി എന്ന ആയുധം പുറത്തിറക്കിയതോടെ ലേസര്‍ ആയുധങ്ങള്‍ക്ക് ഏറെ പ്രാധാന്യം വര്‍ധിച്ചിരിക്കുകയാണ്.
ബ്രിട്ടീഷ് റോയൽ നേവി കഴിഞ്ഞ ദിവസം നടത്തിയ പരീക്ഷണത്തിന്റെ വിജയം പ്രതിരോധമേഖലയില്‍ ഒരു പുതിയ യുഗത്തിന് തുടക്കം കുറിക്കുമെന്ന് പറയുന്നു. മണിക്കൂറിൽ 650 കിലോമീറ്റർ വേഗത്തിൽ കുതിക്കുന്ന ഒരു റേസിംഗ് കാറിന്റെ ഇരട്ടി വേഗതയുള്ള ഡ്രോണിനെ, വെറും നിമിഷങ്ങൾക്കകം ലേസർ കിരണം ഉപയോഗിച്ച് തകർക്കാൻ ഡ്രാഗൺഫയറിന് സാധിച്ചു. ബ്രിട്ടന്റെ പ്രതിരോധ മന്ത്രി ലൂക്ക് പൊള്ളാർഡ് ഡ്രാഗണ്‍ ഫയറിനെക്കുറിച്ച് വെളിപ്പെടുത്തിയതോടെ ലോകശ്രദ്ധ മുഴുവൻ ഈ ലേസർ സാങ്കേതികവിദ്യയിലേക്ക് തിരിഞ്ഞിരിക്കുകയാണ്.
എന്തായാലും ഇന്ത്യയും അതീവരഹസ്യമായി അവരുടെ ലേസര്‍ ആയുധം നിര്‍മ്മിക്കാനുള്ള കുതിപ്പിലാണ്.നമ്മുടെ പ്രതിരോധ ഗവേഷണ വികസന സ്ഥാപനം ദുര്‍ഗ രണ്ട് എന്ന പേരില്‍ ഡ്രോണുകളെ കരിച്ചുകളയാനുള്ള ഒരു ലേസര്‍ ആയുധത്തിന്റെ രൂപരേഖ തയ്യാറാക്കി കഴിഞ്ഞു. 100-കിലോവാട്ട് ഭാരമുള്ള ലേസര്‍ ആണ് ഇതില്‍ ഉപയോഗിക്കുക. 100 കിലോവാട്ട് ഭാരമുള്ള എന്നതിനര്‍ത്ഥം ഫലപ്രദവും കോംപാക്ടുമായ ലേസര്‍ ആണ് ഇതില്‍ ഉപയോഗിക്കുക എന്നതാണ്, ഈ ലേസര്‍ ആയുധമായ ദുര്‍ഗ യുദ്ധക്കപ്പലിലോ, യുദ്ധ വിമാനങ്ങളിലോ ഒക്കെ ഘടിപ്പിക്കാവുന്നതാണ്. ഇത് യാഥാര്‍ത്ഥ്യമാക്കാന്‍ 10 കോടി ഡോളര്‍ കേന്ദ്ര പ്രതിരോധമന്ത്രാലയത്തോട് ആവശ്യപ്പെട്ടിരിക്കുകയാണ്. പണം വൈകാതെ അനുവദിക്കുമെന്ന് കരുതുന്നു. അതേ സമയം, ദുര്‍ഗ രണ്ട് പദ്ധതി അതീവരഹസ്യമായി മുന്നേറുന്നതായും ചില വാര്‍ത്തകളുണ്ട്. അതനുസരിച്ച് 2027ല്‍ ഇന്ത്യയുടെ ദുര്‍ഗ 2 എന്ന ലേസര്‍ ആയുധം പുറത്തിറങ്ങുമെന്ന് പ്രതീക്ഷിക്കപ്പെടുന്നുമുണ്ട്. ഇക്കാര്യം സ്ഥിരീകരിക്കാനായിട്ടില്ല. ഇതിന് 20 കിലോമീറ്റര്‍ വരെ അകലെയുള്ള ഡ്രോണുകളെ ലേസര്‍ രശ്മി അയച്ച് തകര്‍ക്കാന്‍ കഴിയുമെന്നാണ് പ്രതീക്ഷിക്കുന്നത്.
2000 മുതല്‍ ലേസര്‍ ആയുധം വികസിപ്പിക്കാന്‍ ഡിആര്‍ഡിഒ ആരംഭിച്ച പദ്ധതിയായിരുന്നു ദുര്‍ഗ. ഈ ദുര്‍ഗ പദ്ധതിയുടെ ഭാഗമായി, അഞ്ച് കിലോമീറ്റര്‍ അകലെയുള്ള ലക്ഷ്യത്തെ തകര്‍ക്കാനുള്ള 25 കിലോവാട്ട് ലേസര്‍ ആയുധം ഡിആര്‍ഡിഒ വികസിപ്പിച്ചിരുന്നു. പക്ഷെ ഇന്നത്തെ കാലത്തിന് ഇണങ്ങുന്ന കൂടുതല്‍ പ്രഹരശേഷിയുള്ള ലേസര്‍ ആയുധം വികസിപ്പിക്കുക എന്ന ലക്ഷ്യത്തോടെയാണ് ദുര്‍ഗ 2 പദ്ധതി ആരംഭിച്ചത്.
ഡി.ആർ.ഡി.ഒ (DRDO) വികസിപ്പിക്കുന്ന അത്യാധുനിക ലേസർ ആയുധമായ ദുർഗ 2 (DURGA II – Directionally Unrestricted Ray-Gun Array) ഡ്രോണുകൾ, മിസൈലുകൾ, പീരങ്കി ഷെല്ലുകൾ എന്നിവയെ കരിച്ചുകളയാന്‍ കഴിവുള്ള 100-കിലോവാട്ട് ശേഷിയുള്ള ഭാരം കുറഞ്ഞ ഡയറക്റ്റഡ് എനർജി വെപ്പൺ (DEW) ആണ്. 2025-ൽ ഇതിന്റെ സംയോജിത വ്യോമ പ്രതിരോധ സംവിധാനത്തിന്റെ (IADWS) പരീക്ഷണങ്ങൾ വിജയകരമായി നടന്നിട്ടുണ്ട്.
ദുർഗ 2-നെക്കുറിച്ചുള്ള പ്രധാന വിവരങ്ങൾ :
100-കിലോവാട്ട് ശക്തിയുള്ള ഭാരം കുറഞ്ഞ ലേസർ സംവിധാനമാണ് ദുര്‍ഗ 2ല്‍ പ്രവര്‍ത്തിക്കുക. ഡ്രോണുകൾ, മിസൈലുകൾ, ഫൈറ്റർ ജെറ്റുകൾ, പീരങ്കി ഷെല്ലുകൾ തുടങ്ങിയവയെ തടയാൻ കഴിവുള്ള മൾട്ടി- പ്ലാറ്റ്ഫോം പ്രതിരോധം നൽകുകയാണ് ലക്ഷ്യം. വിമാനങ്ങൾ, കപ്പലുകൾ, കരയിൽ സ്ഥാപിക്കാവുന്ന വാഹനങ്ങൾ എന്നിവയിൽ സംയോജിപ്പിച്ച് ഉപയോഗിക്കാൻ കഴിയും.
ദുര്‍ഗ 2 പദ്ധതി അതീവരഹസ്യമായി മുന്നേറുന്നുവെന്നും റിപ്പോര്‍ട്ടുകളുണ്ട്. അതിന്റെ ഭാഗമായി 2025 ആഗസ്റ്റിൽ ഈ സംവിധാനത്തിന്റെ സംയോജിത പരീക്ഷണങ്ങൾ വിജയകരമായി പൂർത്തിയാക്കിയതായും ചില റിപ്പോര്‍ട്ടുകളുണ്ട്.
അതിവേഗം: പ്രകാശത്തിന്റെ വേഗതയിൽ (3 ലക്ഷം കിലോമീറ്റർ/സെക്കൻഡ്) ദുര്‍ഗ 2 അയയ്‌ക്കുന്ന ലേസര്‍ ലക്ഷ്യത്തിലെത്തും. വളരെ കൃത്യതയോടെ ലക്ഷ്യം ഭേദിക്കാൻ കഴിയും. ചൈന, പാകിസ്ഥാൻ പോലുള്ള രാജ്യങ്ങളുടെ ഡ്രോണ്‍, മിസൈല്‍, ഷെല്‍ ഭീഷണികളെ നേരിടാൻ ദുര്‍ഗ രണ്ട് ഇന്ത്യയുടെ പ്രതിരോധ ശേഷി വർദ്ധിപ്പിക്കും. ഈ സാങ്കേതികവിദ്യ ഇന്ത്യയുടെ പ്രതിരോധ വ്യവസായത്തിൽ വിപ്ലവം സൃഷ്ടിക്കുമെന്നും, ഭാവിയിലെ യുദ്ധങ്ങളിൽ നിർണ്ണായക പങ്ക് വഹിക്കുമെന്നും പ്രതീക്ഷിക്കുന്നു.
