കൊച്ചി:ശബരിമല സ്വര്‍ണക്കൊള്ള കേസില്‍ സിബിഐ അന്വേഷണം ആവശ്യപ്പെട്ടുളള ഹര്‍ജി ഹൈക്കോടതി ക്രിസ്തുമസ് അവധി കഴിഞ്ഞ് പരിഗണിക്കാന്‍ മാറ്റി.ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖര്‍ അടക്കമുള്ളവരാണ് ഹര്‍ജി നല്‍കിയത്.
കേസ് ഏറ്റെടുക്കാന്‍ തയാറാണെന്നാണ് സിബിഐ നിലപാട്.ഹര്‍ജി പരിഗണിക്കുമ്പോള്‍ ഇക്കാര്യം കോടതിയെ അറിയിക്കും.
അതിനിടെ ഉന്നത ഐപിഎസ് ഉദ്യോഗസ്ഥര്‍ കേസ് അട്ടിമറിക്കാന്‍ ശ്രമിക്കുകയാണെന്നും പോറ്റിയുമായി ഇവര്‍ക്ക് അടുത്ത ബന്ധമുണ്ടെന്നും ചൂണ്ടിക്കാട്ടി കേസില്‍ കക്ഷി ചേരാനുള്ള അപേക്ഷയും ഹൈക്കോടതിയ്‌ക്ക് മുന്നിലെത്തി.എം ആര്‍ അജയനാണ് ഹര്‍ജി നല്‍കിയത്. എഡിജിപിമാരായ പി വിജയന്‍, എസ് ശ്രീജിത്ത്, ഐ ജി ഹരിശങ്കര്‍ എന്നിവര്‍ക്കെതിരെയാണ് ആരോപണം.എന്നാല്‍ ഹര്‍ജി പരിഗണിച്ചപ്പോള്‍ കക്ഷിയോ അഭിഭാഷകനോ ഹാജരായില്ല. അതേസമയം, അവധിക്കാല ബഞ്ച് പരിഗണിച്ച മറ്റ് രണ്ട് കേസുകളിലും ഇതേ ഹര്‍ജിക്കാരന്‍ സമാനമായി കക്ഷിചേരാനും അപേക്ഷ നല്‍കി. അഭിഭാഷകന്‍ ഹാജരാകാതെ കോടതിയുടെ സമയം നഷ്ടപ്പെടുത്തിയതിന് ഹര്‍ജിക്കാരനായ എം ആര്‍ അജയന് കോടതി 10000 രൂപ പിഴയും ചുമത്തി. ജസ്റ്റിസ് മുഹമ്മദ് മുഷ്താക്ക,് ജസ്റ്റിസ് പി എം മനോജ് എന്നിവരുള്‍പ്പെടെട ഡിവിഷന്‍ ബെഞ്ചാണ് ഹര്‍ജി പരിഗണിച്ചത്.
