കൊച്ചി: സ്ഥാനാര്ത്ഥി ആന്തരിച്ചതിന് പിന്നാലെ പാമ്പാക്കുട പഞ്ചായത്തിലെ പത്താം വാര്ഡിലെ തെരഞ്ഞെടുപ്പ് മാറ്റിവെച്ചു. വോട്ടെടുപ്പ് ദിനത്തിൽ പുലര്ച്ചെയാണ് ഹൃദയാഘാതത്തെതുടര്ന്നായിരുന്നു സ്ഥാനാർഥി അന്തരിച്ചത്. മൂവാറ്റുപുഴ താലൂക്കിലെ പാമ്പാക്കുട പഞ്ചായത്തിലെ പത്താം വാര്ഡിലെ യുഡിഎഫ് സ്ഥാനാര്ത്ഥി സിഎസ് ബാബുവാണ് അന്തരിച്ചത്.
ഇന്ന് പുലര്ച്ചെ 2.30ന് ആയിരുന്നു അന്ത്യം. പിറവം മര്ച്ചന്റ് അസോസിയേഷൻ മുൻ പ്രസിഡന്റാണ് സിഎസ് ബാബു. ബാബുവിന്റെ മരണത്തെതുടര്ന്ന് പാമ്പാക്കുട പഞ്ചായത്തിലെ പത്താം വാര്ഡിലെ തെരഞ്ഞെടുപ്പ് മാറ്റിവെച്ചു.അതേസമയം, ഇന്നലെ തിരുവനന്തപുരം കോർപ്പറേഷനിലെ വിഴിഞ്ഞം വാർഡിലെ സ്വതന്ത്ര സ്ഥാനാർത്ഥിയായിരുന്ന ജസ്റ്റിൻ ഫ്രാൻസിസ് വാഹനാപകടത്തിൽ മരിച്ചിരുന്നു. ഇതേതുടര്ന്ന് വിഴിഞ്ഞം വാര്ഡിലെ വോട്ടെടുപ്പും മാറ്റിവെച്ചിരുന്നു.
