തിരുവനന്തപുരം: എസ് ഐ ആറിന് എതിരായി നീങ്ങരുതെന്നും പൂര്‍ണ്ണമായും സഹകരിക്കണമെന്നും എസ് ഡിപിഐ പ്രചാരണം. ഇന്ത്യന്‍ പൗരത്വം നഷ്ടമായേക്കുമോ എന്ന ഭീതിയാണ് എസ് ഡിപിഐയെ എസ് ഐആറിന് അനുകൂലമായി നീങ്ങാന്‍ പ്രേരിപ്പിച്ചത്. ഇന്ത്യന്‍ പൗരത്വം നഷ്ടമായാല്‍ ഇന്ത്യയില്‍ നിന്നും പിന്നീട് പുറത്താക്കപ്പെടുമോ എന്ന ഭീതിയും ഇവര്‍ക്കിടയില്‍ ഉണ്ട്. അതിനാലാണ് പൂര്‍ണ്ണമായും എസ് ഐആറുമായി സഹകരിക്കാന്‍ ഇവര്‍ ആഹ്വാനം ചെയ്തത്. എസ് ഡിപിഐ ജാഗ്രതാകാമ്പയിന്‍ എന്ന പേരില്‍ എസ് ഐആറിന് അനുകൂലമായി എസ് ഡിപിഐ പുറത്തിറക്കിയ നോട്ടീസാണ് ഇക്കാര്യം വെളിപ്പെടുത്തിയത്.
ബീഹാറില്‍ എസ് ഐ ആറിന് എതിരെ നീങ്ങിയതിനാല്‍ 17 ശതമാനം മുസ്ലിങ്ങള്‍ വോട്ടര്‍പട്ടികയില്‍ നിന്നും പുറത്തായെന്നും ഈ നോട്ടീസില്‍ പറയുന്നു. പക്ഷെ ഇത് എസ് ഡിപിഐ നടത്തുന്ന വ്യാജപ്രചാരണമാണ്. എന്തായാലും എന്ത് വ്യാജപ്രാചരണത്തിന്റെ പേരിലായാലും എസ് ഡിപിഐയുടെ ഈ നീക്കം കേരളത്തിലെ ബിഎല്‍ഒമാര്‍ക്ക് വേഗം ഫോമുകള്‍ പൂരിപ്പിച്ച് കിട്ടാന്‍ സഹായകരമായി.
എസ് ഐആര്‍ ജാഗ്രതാ കാമ്പയിന്‍ എന്ന പേരിലാണ് എസ് ഡിപിഐ കേരളത്തില്‍ പ്രചാരണം നടത്തിയത്. ബീഹാറില്‍ മുസ്ലിം സമുദായം എസ് ഐ ആറിന് എതിരെ പ്രവര്‍ത്തിച്ചതിനാല്‍ അവര്‍ എസ് ഐ ആര്‍ പൂരിപ്പിച്ച് നല്‍കാത്തതിനാല്‍ വോട്ടര്‍പട്ടികയില്‍ നിന്നും പുറത്തായെന്നും അത്തരം അനുഭവം കേരളത്തില്‍ ഉണ്ടാകരുതെന്നും ആണ് എസ് ഡിപി ഐ നോട്ടീസില്‍ പറയുന്നത്. പക്ഷെ ഇത് കള്ളമാണ്. വാസ്തവത്തില്‍ ബീഹാറില്‍ പുറത്താക്കിയത് ഇരട്ടവോട്ടുള്ളവരെയും മരണപ്പെട്ടവരെയും പുറത്തെ രാജ്യങ്ങളില്‍ നിന്നും വ്യാജരേഖകളിന്മേല്‍ അവിടേക്ക് കുടിയേറിയവരെയും ആണ്. ഇതാണ് ബീഹാറിലെ വോട്ടര്‍പട്ടികയില്‍ നിന്നും പുറത്തായ 60 ലക്ഷത്തോളം വരുന്ന വോട്ടര്‍മാര്‍.
എന്തായാലും എസ് ഐ ആറുമായി സഹകരിച്ചില്ലെങ്കില്‍ ഇന്ത്യന്‍ പൗരത്വം നഷ്ടപ്പെടുമെന്നും അത് നഷ്ടപ്പെട്ടാല്‍ ഇന്ത്യയില്‍ നിന്നും പുറത്താക്കപ്പെടുമെന്നും ഉള്ള ഭീതി എസ് ഡിപിഐക്കാരുടെ ഉള്ളില്‍ ഉള്ളത് കേരളത്തിലെ ബിഎല്‍ഒമാര്‍ക്ക് അനുഗ്രഹമായിരിക്കുകയാണ്.
