ന്യൂദൽഹി : ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു ന്യൂയോർക്ക് നഗരത്തിൽ പ്രവേശിച്ചാൽ ഉടൻ അറസ്റ്റ് ചെയ്യുമെന്ന് നഗരത്തിലെ നിയുക്ത മേയർ സൊഹ്റാൻ മംദാനി . അന്താരാഷ്ട്ര ക്രിമിനൽ കോടതിയുടെ (ഐസിസി) അറസ്റ്റ് വാറണ്ട് മാനിക്കാൻ ഉദ്ദേശിക്കുന്നതായും മംദാനി പറഞ്ഞു . തന്റെ പ്രചാരണത്തിലുടനീളം മംദാനി ഈ നിലപാട് ആവർത്തിച്ചിരുന്നു.
നിലവിലെ മേയർ എറിക് ആഡംസ് അടുത്തിടെ നെതന്യാഹുവിനെ കാണുകയും മംദാനിയുടെ സത്യപ്രതിജ്ഞാ ചടങ്ങിൽ പങ്കെടുക്കാൻ അദ്ദേഹത്തെ പ്രേരിപ്പിക്കുകയും ചെയ്തതോടെയാണ് വീണ്ടും മംദാനി തന്റെ നിലപാട് വ്യക്തമാക്കിയത് . ന്യൂയോർക്കിനെ “അന്താരാഷ്ട്ര നിയമങ്ങളുടെ നഗരം” എന്ന് വിശേഷിപ്പിച്ച മംദാനി അത്തരമൊരു നഗരം 2024-ൽ പുറപ്പെടുവിച്ച ഐസിസിയുടെ വാറണ്ടുകൾ പാലിക്കണമെന്ന് വാദിക്കുകയും ചെയ്തു .
“ഇത് അന്താരാഷ്ട്ര നിയമങ്ങളുടെ നഗരമാണെന്ന് ഞാൻ വിശ്വസിക്കുന്നു, അന്താരാഷ്ട്ര നിയമങ്ങളുടെ നഗരം എന്നതിനർത്ഥം അന്താരാഷ്ട്ര നിയമം ഉയർത്തിപ്പിടിക്കാൻ നോക്കുക എന്നാണ്, അതിന്റെ അർത്ഥം ബെഞ്ചമിൻ നെതന്യാഹുവിന് വേണ്ടിയായാലും വ്ളാഡിമിർ പുടിന് വേണ്ടിയായാലും, അന്താരാഷ്ട്ര ക്രിമിനൽ കോടതിയുടെ വാറണ്ടുകൾ ഉയർത്തിപ്പിടിക്കുക എന്നതാണ്. നിയമം അനുവദിച്ചാൽ നെതന്യാഹുവിനെ അറസ്റ്റ് ചെയ്യും“ എന്നും മംദാനി പറയുന്നു.
അതേസമയം താൻ ന്യൂയോർക്കിൽ എത്തുമെന്നും , എന്താണ് സംഭവിക്കുന്നതെന്ന് അറിയണമെന്നുമാണ് നെതന്യാഹുവിന്റെ നിലപാട് .
