ന്യൂദല്‍ഹി: ആര്‍എസ്എസ് മേധാവി മോഹന്‍ ഭാഗവത് അമേരിക്കയിലെ ഇന്ത്യക്കാരെ അഭിസംബോധന ചെയ്യുന്ന പരിപാടിയെ എതിര്‍ത്ത ന്യൂയോര്‍ക്ക് മേയറായ സൊഹ്റാന് മംദാനിയ്ക്കെതിരെ ആഞ്ഞടിച്ച് അമേരിക്കന്‍ ഗായിക മേരി മില്‍ബെന്‍.
“മംദാനിയും ഈ സോഷ്യലിസ്റ്റ് ഭ്രാന്തന്മാരും മോഹൻ ഭഗവത് പങ്കെടുക്കുന്ന മാഡിസൺ സ്ക്വയർ ഗാർഡൻ (എംഎസ്ജി) പരിപാടിയെ എതിർക്കുന്നത് പ്രധാനമന്ത്രി നരേന്ദ്ര മോദിയെയും @BJP4Indiaയെയും എതിർക്കുന്നതുകൊണ്ടാണ്,” മിൽബെൻ ചൊവ്വാഴ്ച എക്സില്‍ പങ്കുവെച്ച ഒരു പോസ്റ്റിൽ പറഞ്ഞു.
ആർഎസ്എസിന്റെ ശതാബ്ദി വർഷ ആഗോള സമ്പർക്ക പരിപാടിയുടെ ഭാഗമായി ഓഗസ്റ്റ് 29 ചൊവ്വാഴ്ച യുഎസിലെ മാഡിസൺ സ്ക്വയർ ഗാർഡനില്‍ അമേരിക്കന്‍ ഇന്ത്യക്കാരായ 5000 പേരെയാണ് ആര്‍എസ് എസ് മേധാവി മോഹന്‍ ഭാഗവത് അഭിസംബോധന ചെയ്യുക.
ആർ‌എസ്‌എസ് മേധാവി ഭഗവത് പങ്കെടുക്കുന്ന മാഡിസൺ സ്ക്വയർ ഗാർഡനിലെ പരിപാടിയെ പിന്തുണയ്‌ക്കുന്നില്ലെന്ന് ന്യൂയോര്‍ക്ക് മേയറായ മംദാനി പറഞ്ഞത് വലിയ വിവാദമായിരിക്കുകയാണ്. ബഹുസ്വരതയെക്കുറിച്ച് വീമ്പിളക്കുന്ന സൊഹ്റാന് മംദാനി മറ്റൊരാളുടെ ആശയത്തിനെതിരെ സംസാരിച്ചത് വലിയ വിവാദമായിരിക്കുകയാണ്. സൊഹ്റാന് മംദാനിയുടെ ഇരടത്താപ്പാണ് ഈ നിലപാടിലൂടെ പുറത്തുവന്നിരിക്കുന്നത്. പൊതുവേ മുസ്ലിങ്ങള്‍ക്ക് അനുകൂലമായ നിലപാടെടുക്കുന്ന നേതാവ് കൂടിയാണ് സൊഹ്റാന് മംദാനി.
