തിരുവനന്തപുരം: ബുധനാഴ്‌ച്ച വൈകിട്ട് 6 മണിയോടെ എസ് ഐ ആര്‍ എന്യൂമെറേഷന്‍ ഫോം വിതരണം 99 ശതമാനം ആയെന്ന് മുഖ്യ തെരഞ്ഞെടുപ്പ് ഓഫീസര്‍ ഡോ. രത്തന്‍ ഖേല്‍ക്കര്‍. വോട്ടര്‍മാരെ കണ്ടെത്താന്‍ കഴിയാത്ത ഫോമുകളുടെ എണ്ണം 60344 ആണന്നും അദ്ദേഹം അറിയിച്ചു. ഇത് പുനഃപരിശോധനയ്‌ക്ക് വിധേയമാകുന്ന മൊത്തം വോട്ടര്‍മാരുടെ 0.22 ശതമാനമാണ്.
എന്നാല്‍ കൃത്യമായ കണക്കല്ല ഇത്. എല്ലാ ബി എല്‍ ഒ മാരും മുഴുവന്‍ വിവരങ്ങളും ഡിജിറ്റൈസ് ചെയ്തിട്ടില്ലെന്നും യഥാര്‍ത്ഥ കണക്ക് ഇതിലും കൂടുതലാണെന്നും മുഖ്യ തെരഞ്ഞെടുപ്പ് ഓഫീസര്‍ പറഞ്ഞു.
പരമാവധി കൃത്യതയും സുതാര്യതയും ഉറപ്പുവരുത്താന്‍, ഭാവിയില്‍ പരാതികള്‍ ഉണ്ടാവാതിരിക്കാന്‍ അംഗീകൃത രാഷ്‌ട്രീയ പാര്‍ട്ടികള്‍ നാമനിര്‍ദ്ദേശം ചെയ്ത ബൂത്ത് ലെവല്‍ ഏജന്റുമാരുമായി ചേര്‍ന്ന് അടിയന്തരമായി യോഗങ്ങള്‍ സംഘടിപ്പിക്കാന്‍ എല്ലാ ബി.എല്‍.ഒമാര്‍ക്കും നിര്‍ദ്ദേശം നല്‍കിയെന്ന് ഡോ. രത്തന്‍ ഖേല്‍ക്കര്‍ അറിയിച്ചു.
