പമ്പ: നിലയ്ക്കല്-പമ്പ ചെയിന്‍ സര്‍വീസ് ഓരോ മിനിറ്റിലും മൂന്ന് ബസുകള്‍ വീതം ഭക്തരുടെ തിരക്കനുസരിച്ച് സര്‍വീസ് നടത്തുന്നുണ്ടെന്ന് കെ.എസ്.ആര്‍.ടി.സി. ആദ്യഘട്ടത്തില്‍ 450 ബസുകളാണ് സര്‍വീസ് നടത്തുന്നത്.
202 ബസുകള്‍ ചെയിന്‍ സര്‍വീസിനായി മാത്രം പമ്പയിലെത്തിച്ചിട്ടുണ്ട്. ലോ ഫ്ളോര്‍ എ.സി, ലോ ഫ്ളോര്‍ നോണ്‍ എ.സി ബസുകള്‍ ഉള്‍പ്പെടെയാണിത്. 248 ദീര്‍ഘദൂര സര്‍വീസുകളും വിവിധ ഡിപ്പോകളില്‍ നിന്ന് പമ്പയിലേക്ക് സര്‍വീസ് നടത്തുന്നു. ചെങ്ങന്നൂര്‍, തിരുവല്ല, കോട്ടയം റെയില്‍വേ സ്റ്റേഷനുകളിലെത്തുന്ന തീര്‍ഥാടകരെ പമ്പയിലെത്തിക്കാനും സംവിധാനമുണ്ട്. നിലയ്ക്കല് പമ്പ സര്‍വീസിനായി 350 വീതം ഡ്രൈവര്‍മാരെയും കണ്ടക്ടര്‍മാരെയും നിയോഗിച്ചിട്ടുണ്ട്. പമ്പയില്‍ 95 ജീവനക്കാരെ നിയോഗിച്ചിട്ടുണ്ട്. പമ്പ സ്റ്റാന്‍ഡില്‍ ബസുകളുടെ അറ്റകുറ്റപ്പണികള്‍ക്കായി മെക്കാനിക് ഗാരേജ് പ്രവര്‍ത്തിക്കുന്നു.
