ഹൈദരാബാദ് : സനാതനധര്‍മ്മത്തിനെതിരായ ആശയപ്രചാരണവും ഗൂഢനീക്കങ്ങളും നടത്തുന്ന ദ ന്യൂസ് മിനിറ്റ് എന്ന വാര്‍ത്താവെബ്സൈറ്റ്സം വിധായകന്‍ രാജമൗലിയെ നിരീശ്വരവാദിയും ഹിന്ദുവിരുദ്ധനുമാക്കി ചിത്രികരിക്കാന്‍ ശ്രമം നടത്തുന്നു. ന്യൂസ് മിനിറ്റിനെ അറിയില്ലേ? ബെംഗളൂരു കേന്ദ്രീകരിച്ച് പ്രവര്‍ത്തിക്കുന്ന ഈ വാര്‍ത്താവെബ്സൈറ്റ് ധര്‍മ്മസ്ഥലയെ സ്ത്രീകളെ കൂട്ടത്തോടെ ബലാത്സം ചെയ്ത് കൊന്ന് കുഴിച്ചുമൂടന്ന കേന്ദ്രമായി ചിത്രീകരിക്കാന്‍ നൂറുകണക്കിന് വീഡിയോ യൂട്യൂബിലൂടെ പ്രചരിപ്പിച്ച വാര്‍ത്താ വെബ്സൈറ്റാണ്.
കഴിഞ്ഞ ദിവസം വാരണാസി എന്ന പുതിയ ബ്രഹ്മാണ്ഡചിത്രത്തിന്റെ നാല് മിനിറ്റ് നീളുന്ന വീഡിയോ പുറത്തുവിടുന്ന ചടങ്ങളില്‍ രാജമൗലിന നടത്തിയ ചില പരാമര്‍ശങ്ങള്‍ചൂണ്ടിക്കാട്ടിയാണ് ഈ ശ്രമം നടത്തുന്നത്.
ഇത് പിന്നീട് പല ഇടത് , ജിഹാദി വാര്‍ത്താവെബ്സൈറ്റുകളും യുട്യൂബര്‍മാരും ഏറ്റെടുക്കുകയും ചെയ്തു. പക്ഷെ നാല് മിനിറ്റ് നീളുന്ന വീഡിയോയില്‍ ഹിന്ദുപുരാണങ്ങളില്‍ നിന്നുള്ള ദൃശ്യങ്ങളാണ് കടന്നുവരുന്നത്. ഹിന്ദുഭക്തരുടെ ആത്മീയ ഹൃദയകേന്ദ്രമായ വാരണസി എന്ന പുണ്യനഗരത്തിന്റെ പേരാണ് സിനിമയ്‌ക്ക് നല്‍കിയിരിക്കുന്നത്.
ഈ സിനിമയക്ക് വേണ്ടി മഹേഷ് ബാബുവിനെ ആദ്യമായി ശ്രീരാമന്റെ വേഷത്തില്‍ മേക്കപ്പിട്ട് കണ്ടപ്പോള്‍ തനിക്ക് രോമാഞ്ചമുണ്ടായി എന്നാണ് രാജമൗലി പറഞ്ഞത്. ആ ചിത്രം കുറച്ചുനാള്‍ താന്‍ ഫോണിന്റെ വാള്‍ പേപ്പര്‍ ആക്കിയെന്നും രാജമൗലി പറയുന്നു. ശ്രീരാമഭക്തിയില്ലാത്ത ഒരാള്‍ക്ക് ഇങ്ങിനെ പറയാന്‍ സാധിക്കുമോ? ഈ അനുഭവം രാജമൗലി വിവരിക്കുന്നത് കേള്‍ക്കൂ:”ആദ്യദിവസം മഹേഷ് ശ്രീരാമന്റെ വേഷത്തില്‍ ഫോട്ടോഷൂട്ടിന് വന്നപ്പോള്‍ തന്നെ എനിക്ക് രോമാഞ്ചമുണ്ടായി. ഞാന്‍ ആശയക്കുഴപ്പത്തിലായിരുന്നു. മഹേഷിന് ശ്രീരാമന്റെ ശാന്തതയും ശ്രീകൃഷ്ണന്റെ ചാരുതയും ഉണ്ട്. ഈ ഫോട്ടോ ഞാന്‍ ഫോണിന്റെ വാള്‍പേപ്പല്‍ ആക്കി കുറെനാള്‍. പിന്നീട് നീക്കം ചെയ്തു.” കൃഷ്ണഭക്തിയും ശ്രീരാമഭക്തിയും ഹൃദയത്തില്‍ ഇല്ലാത്ത ഒരാള്‍ക്ക് ഇപ്രകാരം പറയാന്‍ കഴിയുമോ?. വാരണസി എന്ന സിനിമയില്‍ രാമായണത്തില്‍ നിന്നുള്ള ഭാഗങ്ങള്‍ വലിയൊരളവില്‍ കടന്നുവരുന്നു.
ആര്‍എസ്എസിനെ അങ്ങേയറ്റം ബഹുമാനത്തില്‍ കാണുന്ന വ്യക്തിയാണ് രാജമൗലിയുടെ പിതാവ് വിജയേന്ദ്രപ്രസാദ്. തിരക്കഥാകൃത്തും കഥാകൃത്തുമാണ്. ഇദ്ദേഹമാണ് ബാഹുബലി സിനിമകളുടെ കഥ എഴുതിയത്. ആര്‍ആര്‍ആര്‍ എന്ന സിനിമയുടെ തിരക്കഥ ഇദ്ദേഹത്തിന്‍റേതാണ്. ആര്‍എസ്എസ് 100ാം വാര്‍ഷികം ആഘോഷിക്കുമ്പോള്‍ ഈ സംഘടനയെക്കുറിച്ച് ഒരു സിനിമ നിര്‍മ്മിക്കുന്നതിനായി തിരക്കഥ തയ്യാറാക്കിയത് വിജയേന്ദ്രപ്രസാദ് ആണ്. ആര്‍എസ്എസിനെക്കുറിച്ച് 450 കോടി രൂപയില്‍ നിര്‍മ്മിക്കുന്ന ഒരു ബ്രഹ്മാണ്ഡ ചിത്രമാണ് ഒരുങ്ങുന്നത്. ആ വിജയേന്ദ്രപ്രസദദിന്റെ മകന്‍ ഒരിയ്‌ക്കലും സനാതനവിരുദ്ധമായ ചിന്തിക്കില്ല, പ്രവര്‍ത്തിക്കില്ല. അങ്ങിനെയിരിക്കെയാണ് രാജമൗലിക്കെതിരെ വ്യാജമായ പ്രചാരണം നടത്തുന്നത്. ഇനി ഒരു കാര്യം പറയാം. വാരണസി എന്ന സിനിമയ്‌ക്ക് തിരക്കഥ ഒരുക്കുന്നത് വിജയേന്ദ്രപ്രസാദ് ആണ്. ഇദ്ദേഹം ഭക്തിനിര്‍ഭരമായ, ഭാരതത്തിന്റെ പുരാണേതിഹാസങ്ങള്‍ക്ക് പ്രാധാന്യം നല്‍കുന്ന സിനിമയായി തന്നെയായിരിക്കും വാരണസിയുടെ തിരക്കഥയും രചിക്കുക എന്നുറപ്പ്.
