പാലക്കാട്: സംസ്ഥാന സ്കൂള് ശാസ്ത്രമേളയില് ശ്രദ്ധേയമായി റോബിട്ടിക്സ് ഡയറി ഫാം. കൊല്ലം മൈലോട് ടിഇഎംവിഎച്ച്എസ്എസിലെ പ്ലസ്ടു വിദ്യാര്ത്ഥികള് അവതരിപ്പിച്ച ആധുനിക രീതിയിലുള്ള റോബോട്ടിക്സ് ഡയറി ഫാം ക്ഷീരമേഖലയുടെ വളര്ച്ചയ്ക്ക് ഏറെ ഗുണം ചെയ്യും.
യൂറോപ്യന് നാടുകളില് വര്ഷങ്ങള്ക്ക് മുമ്പ് നടപ്പിലാക്കിയ ഡയറി ഫാം കേരളത്തിന്റെ കാലവസ്ഥക്ക് അനുയോജ്യമായി കന്നുകാലികളെ വര്ളത്താനും പാല് ഉത്പാദനം വര്ധിപ്പിക്കുന്ന ഉതകുന്ന തരത്തിലാണ് നിര്മിച്ചിരിക്കുന്നത്. ഇതിന് പുറമെ കന്നുകാലിയുടെ പരിപാലനം മാത്രമല്ല പാല് കറക്കുന്നതുള്പ്പെടെ റോബോട്ടിക്സ് രീതിയിലാണ്. പശുക്കള്ക്ക് തീറ്റകൊടുക്കല്, പശുക്കളെ വൃത്തിയാക്കല്, തൊഴുത്തിലെ ചാണകം ശേഖരിച്ച് പ്രത്യേക പ്ലാന്റില് സ്ഥാപിക്കുന്നതും റോബോട്ടിക്സ് ക്ലീനിങ് വഴിയാണ്. ഇത്തരത്തില് പ്ലാന്റില് നിന്ന് നിക്ഷേപിക്കുന്ന ചാണകത്തില് നിന്ന് ബയോഗ്യാസ് ഉള്പ്പെടെ ഉത്പാദിപ്പിച്ച് ഇന്ധനവും നിര്മിക്കാം.
കന്നുകാലികള്ക്ക് കാലാവസ്ഥക്ക് അനുയോജ്യമായ തരത്തിലുള്ള സംരക്ഷണവും കൃത്യസമയത്ത് പോഷകാഹാരം നല്കുന്നത് മൂലം പാല് ഉത്പാദനവും വര്ധിപ്പിക്കുമെന്നാണ് ഇവര് അവകാശപ്പെടുന്നത്. പശുപരിപാലനത്തിന് ജീവനക്കാരെ കിട്ടാനുള്ള ബുദ്ധിമുട്ടും പരിപാലന ചെലവുമാണ് നിലവില് ക്ഷീര മേഖല നേരിടുന്ന പ്രതിസന്ധി. റോബിട്ടക്സ് ഡയറി ഫാം വരുന്നതോടെ ഇതിന് പരിഹാരമാവും.100 പശുക്കളെ വളര്ത്തുന്ന ഡയറിഫാമിന് രണ്ട് കോടിയോളം രൂപ ചെലവ് വരും.
