തിരുവനന്തപുരം: ധനമന്ത്രി കെ.എന്‍ ബാലഗോപാല്‍ സഞ്ചരിച്ച വാഹനം വാമനപുരത്ത് വച്ച് അപകടത്തില്‍പ്പെട്ടു. കൊട്ടാരക്കര ഭാഗത്തുനിന്ന് തിരുവനന്തപുരത്തേക്ക് വരികയായിരുന്നു മന്ത്രി.
എതിര്‍ ദിശയില്‍ തിരുവനന്തപുരത്തു നിന്ന് പത്തനംതിട്ട ഇലന്തൂരിലേയ്‌ക്ക് പോവുകയായിരുന്ന കാര്‍ അതേ ദിശയില്‍ സഞ്ചരിച്ചിരുന്ന മറ്റൊരു കാറിനെ മറികടക്കാന്‍ ശ്രമിച്ചപ്പോള്‍ ഈ കാറില്‍ ഇടിച്ച ശേഷം എതിരെ വന്ന മന്ത്രിയുടെ കാറില്‍ ഇടിക്കുകയായിരുന്നു. മന്ത്രിയും കാറിലുണ്ടായിരുന്ന മറ്റുള്ളവരും പരിക്കില്ലാതെ രക്ഷപ്പെട്ടു
മന്ത്രി പിന്നാലെ വന്ന ജി. സ്റ്റീഫന്‍ എംഎല്‍എയുടെ വാഹനത്തില്‍ തിരുവനന്തപുരത്തേക്ക് തിരിച്ചു. വെഞ്ഞാറമൂട് പൊലീസ് ഇടിച്ച വാഹനത്തിലെ ഡ്രൈവറെ കസ്റ്റഡിയിലെടുത്തു.
