കൊച്ചി: കൊച്ചി കോര്‍പറേഷനിലെ യുഡിഎഫ് കൗണ്‍സിലര്‍ സുനിത ഡിക്സണ് ബിജെപിയില്‍ .കൊച്ചിയില്‍ നടന്ന ചടങ്ങില്‍ പാര്‍ട്ടി സംസ്ഥാന അധ്യക്ഷന്‍ രാജീവ് ചന്ദ്രശേഖറില്‍ നിന്ന് അംഗത്വം സ്വീകരിച്ചു. നേരത്തേ കോണ്‍ഗ്രസിലായിരുന്ന സുനിത ഡിക്സണ് 2010 ല്‍ വൈറ്റിലയില്‍ നിന്ന് നഗരസഭയിലേക്ക് വിജയിച്ചു. 2015 ല്‍ ഇവര്‍ കോണ്‍ഗ്രസ് വിമതയായി മത്സരിച്ചെങ്കിലും തോറ്റു. ആര്‍എസ്പി സ്ഥാനാര്‍ത്ഥിയായാണ് കഴിഞ്ഞ പ്രാവശ്യം ഇവര്‍ നഗരസഭയിലേക്ക് ജയിച്ചത്.
തിരുവനന്തപുരത്ത് നെയ്യാറ്റിന്‍കരയില്‍ മഹിളാ കോണ്‍ഗ്രസ് പ്രവര്‍ത്തകര്‍ കഴിഞ്ഞ ദിവസം ബിജെപി അംഗത്വം സ്വീകരിച്ചിരുന്നു.വീട്ടമ്മയുടെ ആത്മഹത്യയില്‍ ആരോപണ വിധേയനായ കോണ്‍ഗ്രസ് നേതാവ് ജോസ് ഫ്രാങ്ക്‌ളിന്റെ സസ്‌പെന്‍ഷന്‍ റദ്ദാക്കാനുളള നീക്കത്തില്‍ പ്രതിഷേധിച്ചാണ് മഹിളാ കോണ്‍ഗ്രസ് പ്രവര്‍ത്തകര്‍ ബി ജെ പിയിലെത്തിയത്.
കഴിഞ്ഞമാസം 19-ാം തീയതിയാണ് നഗരസഭ കൗണ്‍സിലറും ഡിസിസി ജനറല്‍ സെക്രട്ടറിയുമായ ജോസ് ഫ്രാങ്ക്‌ളിനെ കോണ്‍ഗ്രസില്‍ നിന്നും സസ്‌പെന്‍ഡ് ചെയ്തത്. ഇദ്ദേഹത്തെ തിരിച്ചെടുക്കണമെന്ന് ആവശ്യപ്പെട്ട് കോണ്‍ഗ്രസ് നേതാക്കളായ വി എസ് ശിവകുമാറും നെയ്യാറ്റിന്‍കര സനലും കെപിസിസി പ്രസിഡന്റുമായി ചര്‍ച്ച നടത്തിയതിന് പിന്നാലെയാണ് മഹിളാകോണ്‍ഗ്രസ് പ്രവര്‍ത്തകരുടെ രാജി.
