ന്യൂദല്ഹി: ഒരു സ്ത്രീ ഒരു ബൂത്തില് 223 തവണ വോട്ടുചെയ്യാന് വന്നിട്ടുണ്ടെന്ന് രാഹുല്ഗാന്ധി പത്രസമ്മേളനത്തില് പരാമര്ശിച്ച ബൂത്ത് ധക്കോള ഗ്രാമത്തിലെ 63-ാം നമ്പര് ബൂത്താണെന്ന് വ്യക്തമാക്കി ഇന്ത്യടുഡേ. എങ്കില് ആ സ്ത്രീയുടെ കള്ളവോട്ടുകള് ലഭിച്ചിരിക്കുക കോണ്ഗ്രസിനായിരിക്കുമെന്ന് വ്യക്തം.! മുലാന മണ്ഡലത്തിലെ ധാക്കോള ഇത്തവണ കോണ്ഗ്രസിന് അനുകൂലമായി വോട്ട് ചെയ്ത ഗ്രാമമാണെന്ന് കണക്കുകള് കാണിക്കുന്നു.
2019, 2024 ലോക്സഭാ തിരഞ്ഞെടുപ്പുകളില്, ബൂത്ത് 63 ധക്കോളയെയും ബൂത്ത് 64 രാംപൂരിനെയും പ്രതിനിധീകരിച്ചു. 2024 ലെ നിയമസഭാ തിരഞ്ഞെടുപ്പില്, ബൂത്ത് 63 ഉം 64 ഉം ആയി വിഭജിക്കപ്പെട്ടു, തുടര്ന്ന് റാംപൂര് ബൂത്ത് 65 ലേക്ക് മാറിയെന്നും റിപ്പോര്ട്ടില് പറയുന്നു.
2019 ല് ബിജെപിയെക്കാള് പിന്നിലായിരുന്ന കോണ്ഗ്രസ്, 2024 ലെ ലോക്സഭാ, നിയമസഭാ തിരഞ്ഞെടുപ്പുകളില് വ്യക്തമായ ലീഡ് നേടി. മറ്റൊരു വിധത്തില് പറഞ്ഞാല്, ധാക്കോള ഇത്തവണ കോണ്ഗ്രസിന് അനുകൂലമായി വോട്ട് ചെയ്തു. ബിജെപിയുടെ വോട്ട് പകുതിയായി കുറഞ്ഞു!. ഇന്ത്യാ ടുഡേ നല്കുന്ന പട്ടിക ഇപ്രകാരമാണ്.
2019 നിയമസഭാ തെരഞ്ഞെടുപ്പ്: കോണ്ഗ്രസ്: 316, ബിജെപി: 460.
2019 ലോക്സഭാ തെരഞ്ഞെടുപ്പ്: കോണ്ഗ്രസ്: 315, ബിജെപി: 355.
2024 നിയമസഭാ തെരഞ്ഞെടുപ്പ്: കോണ്ഗ്രസ്: 602, ബിജെപി: 275.
2024 ലോക്സഭാ തെരഞ്ഞെടുപ്പ്: കോണ്ഗ്രസ്: 610, ബിജെപി: 218.
