മുംബൈ: മോദി സര്‍ക്കാര്‍ ജിഎസ് ടിയില്‍ വന്‍ ഇളവ് പ്രഖ്യാപിച്ചതോടെ സെപ്റ്റംബർ മാസത്തില്‍ റെക്കോഡ് വില്‍പന നടത്തി യമഹ മോട്ടോർ ഇന്ത്യ. ഇരുചക്രവാഹനങ്ങള്‍ക്ക് വലിയ തോതില്‍ വില താഴ്ന്നതും ദീപാവലി ഉള്‍പ്പെടെയുള്ള ഉത്സവക്കാലം ഇടത്തരക്കാരുടെ പോക്കറ്റുകള്‍ നിറച്ചതും കൂടുതല്‍ പേര്‍ക്ക് യമഹയുടെ ഇരുചക്രവാഹനങ്ങള്‍ സ്വന്തമാക്കാനായി.
2025 സെപ്റ്റംബറിൽ കമ്പനി മൊത്തം 73,307 യൂണിറ്റുകൾ വിറ്റു. 2024 സെപ്റ്റംബറിൽ വിറ്റ 66,705 യൂണിറ്റുകളെ അപേക്ഷിച്ച് 9.90 ശതമാനം എന്ന ശക്തമായ വാർഷിക വളർച്ച രേഖപ്പെടുത്തി. കൂടാതെ, 2025 ഓഗസ്റ്റിൽ വിറ്റ 60,413 യൂണിറ്റുകളെ അപേക്ഷിച്ച് 21.34 ശതമാനം വർദ്ധനവാണിത്. ഇത് തുടർച്ചയായ വിൽപ്പന ആക്കം സൂചിപ്പിക്കുന്നു.
യമഹയുടെ വിൽപ്പനയിൽ സ്‍കൂട്ടറുകളും പ്രീമിയം ബൈക്കുകളുമാണ് കൂടുതല്‍ വിറ്റഴിഞ്ഞത്. യമഹയുടെ ഏറ്റവും കൂടുതൽ വിറ്റഴിക്കപ്പെടുന്ന മോഡല്‍ യമഹ റേ ZR (RayZR) സ്കൂട്ടർ തന്നെ. സെപ്റ്റംബറിൽ 27,280 യൂണിറ്റുകള്‍ വില്‍ക്കാനായി. മുൻ വർഷത്തെ അപേക്ഷിച്ച് 64.91% വർദ്ധനവ്.. 16,137 യൂണിറ്റ് വിൽപ്പനയുമായി FZ സീരീസ് രണ്ടാം സ്ഥാനത്തെത്തി. ഇത് 18.51% ആരോഗ്യകരമായ വാർഷിക വളർച്ചയും രേഖപ്പെടുത്തി.
MT-15 11,695 യൂണിറ്റുകൾ വിറ്റു. കഴിഞ്ഞ വർഷത്തെ അപേക്ഷിച്ച് വിൽപ്പനയിൽ നേരിയ ഇടിവുണ്ടായെങ്കിലും (-4.81%), പ്രതിമാസ അടിസ്ഥാനത്തിൽ 10.20% വർധനവോടെ അവർ ട്രാക്കിലേക്ക് തിരിച്ചുവന്നു. യമഹയുടെ മുൻനിര സ്പോർട്സ് ബൈക്കായ R15 9,329 യൂണിറ്റുകൾ വിറ്റു.
