ഇടുക്കി : മദ്യലഹരിയില്‍ പൊലീസുകാരന്‍ ഓടിച്ച കാര്‍ മറ്റ് വാഹനങ്ങളില്‍ ഇടിച്ച് അപകടം. ഇടുക്കി കാഞ്ചിയാറിലാണ് സംഭവം.
ഇടുക്കി ഡിസിആര്‍ബി ഗ്രേഡ് എസ് ഐ ബിജുമോന്‍ മദ്യപിച്ച് ഓടിച്ച കാറാണ് അപകടം ഉണ്ടാക്കിയത്. വെളളിയാഴ്ച വൈകിട്ട് ഏഴ് മണിയ്‌ക്കാണ് ഇയാള്‍ കാറുമായി കാഞ്ചിയാര്‍ ടൗണില്‍ എത്തിയത്. ഇവിടെവെച്ച് രണ്ടു ബൈക്കുകള്‍ക്കും ഒരു കാറിനും നേരെ ഇയാള്‍ ഓടിച്ച വാഹനം ഇടിക്കുകയായിരുന്നു.
വഴിയരികിലെ കാല്‍നടയാത്രികര്‍ക്കും അപകടത്തില്‍ പരിക്കേറ്റു. തുടര്‍ന്ന് നാട്ടുകാര്‍ ബിജുമോന്‍ സഞ്ചരിച്ച കാര്‍ തടഞ്ഞുവെച്ചു.
പിന്നീട് കട്ടപ്പനയില്‍ നിന്നും പൊലീസ് എത്തി ഇയാളെ കാറില്‍ നിന്നും പുറത്തിറക്കി സ്റ്റേഷനിലേക്ക് കൊണ്ടുപോയി. അപകടത്തില്‍ പരിക്കേറ്റ കാല്‍നടയാത്രികന്‍ കാഞ്ചിയാര്‍ സ്വദേശി സണ്ണിയെ ആശുപത്രിയില്‍ പ്രവേശിപ്പിച്ചു.
