തൃശൂർ: ബിജെപി തൃശൂരിൽ നടത്തുന്ന വികസന മുന്നേറ്റ യാത്രയുടെ ഉദ്ഘാടന വേദിയിൽ പ്രശസ്ത സംഗീത സംവിധായകൻ ഔസേപ്പച്ചനും രാഷ്ട്രീയ നിരീക്ഷകൻ ഫക്രുദീൻ അലിയും. ബിജെപി സംസ്ഥാന വൈസ് പ്രസിഡന്റ് അഡ്വ.ബി. ഗോപാലകൃഷ്ണനാണ് വികസന മുന്നേറ്റ യാത്ര നയിക്കുന്നത്.
ഇന്ന് കാലത്ത് തൃശൂരിൽ നടന്ന ഉദ്ഘാടന പരിപാടിയിൽ ഇരുവരും പങ്കെടുത്ത് രാജ്യത്തിന്റെ വികസനത്തിൽ രാഷ്ട്രീയ പക്ഷം പിടിക്കേണ്ടതില്ലെന്ന് അഭിപ്രായപ്പെട്ടു. തൃശൂരിന്റെ വികസനം എന്ന ലക്ഷ്യവും മന്ത്രി സുരേഷ് ഗോപിയുടെ രാഷ്ട്രീയാതീതമായ നിലപാടുകളുമാണ് ഈ വേദിയിലെത്തിച്ചതെന്ന് ഫക്രുദീൻ പറഞ്ഞു.
ഭാരതമാതാവെന്ന സങ്കൽപ്പത്തെയാണ് രാഷ്ട്രീയാതീതമായ വികസന പ്രവർത്തനത്തിൽ ഓരോരുത്തരും ഉൾക്കൊള്ളേണ്ടതെന്ന് ഔസേപ്പച്ചൻ പറഞ്ഞു.
ഫക്രുദീൻ അലിയും ഔസേപ്പച്ചനും ചേർന്ന് ബി. ഗോപാലകൃഷ്ണനെ ഷാൾ അണിയിച്ചു. രാഷ്ട്രത്തിന്റെ വികസന പ്രവർത്തനത്തിൽ മുന്നേറ്റമുണ്ടാക്കാൻ ഔസേപ്പച്ചനും ഫക്രുദീൻ അലിയും പോലുള്ളവർ പൊതു പ്രവർത്തനത്തിൽ വരണമെന്നും ബിജെപി ഇത്തരം വ്യക്തികളെ സ്വാഗതം ചെയ്യുമെന്നും ഗോപാലകൃഷ്ണൻ പറഞ്ഞു.
സംഗീത സംവിധായകൻ ഔസേപ്പച്ചനും രാഷ്ട്രീയ നിരീക്ഷകൻ ഫക്രുദീൻ അലിയും ബിജെപി വേദിയിൽ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.