കോഴിക്കോട്: പേരാമ്പ്രയില് യുഡിഎഫ് – സിപിഎം പ്രതിഷേധ പ്രകടനങ്ങള്ക്കിടെ വന് സംഘര്ഷം.പൊലീസ് ലാത്തിവീശി.കണ്ണീര് വാതക പ്രയോഗവും നടത്തി.ലാത്തിച്ചാര്ജില് ഷാഫി പറമ്പില് എം പിക്ക് പരിക്കേറ്റു.
ഡിസിസി പ്രസിഡന്റ് പ്രവീണ് കുമാറിനും പരിക്കേറ്റു.കണ്ണീര് വാതക പ്രയോഗത്തിനിടെയാണ് ഷാഫി പറമ്പില് എംപിക്ക് പരിക്കേറ്റത്. ഡിവൈഎസ്പി ഹരിപ്രസാദിനും പരിക്കേറ്റിട്ടുണ്ട്. ഇദ്ദേഹത്തെ കോഴിക്കോട് സ്വകാര്യ ആശുപത്രിയില് പ്രവേശിപ്പിച്ചു.
സികെജി കോളേജിലെ തെരഞ്ഞെടുപ്പുമായി ബന്ധപ്പെട്ട് കഴിഞ്ഞ ദിവസവും സംഘര്ഷം ഉണ്ടായിരുന്നു.കോളേജ് യൂണിയന് തെരഞ്ഞെടുപ്പുമായി ബന്ധപ്പെട്ട തര്ക്കത്തിന് പിന്നാലെ ഇന്ന് പേരാമ്പ്രയില് യുഡിഎഫ് ഹര്ത്താല് പ്രഖ്യാപിച്ചിരുന്നു. വ്യാഴാഴ്ച വൈകിട്ട് പേരാമ്പ്രയില് മാര്ച്ച് നടത്തുന്നതിനിടെ ഇരു കൂട്ടരും അഭിമുഖമായി എത്തിയതോടെയാണ് സംഘര്ഷമുണ്ടായത്.
