ന്യൂദൽഹി : ഇന്ത്യയെ വിമർശിക്കാൻ കിട്ടുന്ന ഒരവസരവും പാഴാക്കാത്ത പാകിസ്ഥാൻ ക്രിക്കറ്റ് താരം ഷാഹിദ് അഫ്രീദി ഇപ്പോൾ മോദി സർക്കാരിനെതിരെയും, രാഹുലിനെ പ്രശംസിച്ചും രംഗത്തെത്തി. മോദി സർക്കാർ “ഹിന്ദു-മുസ്ലീം കാർഡ് കളിക്കുന്നു” എന്നാണ് അഫ്രീദിയുടെ ആരോപണം . അതേസമയം കോൺഗ്രസ് നേതാവ് രാഹുൽ ഗാന്ധിയെ പ്രശംസിക്കുകയും ചെയ്തു.
“ഈ സർക്കാർ അധികാരത്തിലെത്താൻ മത കാർഡ് കളിക്കുന്നു, മുസ്ലീം-ഹിന്ദു കാർഡ് കളിക്കുന്നു എന്ന് ഞാൻ ആവർത്തിച്ച് പറഞ്ഞിട്ടുണ്ട്. ഇത് വളരെ വൃത്തികെട്ട മാനസികാവസ്ഥയാണ്. ബിജെപി അധികാരത്തിൽ തുടരുന്നിടത്തോളം കാലം ഇത്തരം രാഷ്‌ട്രീയം തുടരും . ഇന്ത്യൻ സർക്കാർ “അടുത്ത ഇസ്രായേൽ” ആകാൻ ശ്രമിക്കുമ്പോൾ, കോൺഗ്രസ് എംപി പാകിസ്ഥാനുമായി സംഭാഷണം ആഗ്രഹിച്ചു . “രാഹുൽ ഗാന്ധിക്ക് ഒരു പോസിറ്റീവ് മനോഭാവമുണ്ട്. സംഭാഷണങ്ങളിലൂടെ എല്ലാവരുമായും, മുഴുവൻ ലോകവുമായും നടക്കാൻ അദ്ദേഹം ആഗ്രഹിക്കുന്നു,” അഫ്രീദി കൂട്ടിച്ചേർത്തു.
ഏഷ്യാ കപ്പ് മത്സരത്തിനിടെ ഇന്ത്യൻ കളിക്കാർ പാകിസ്ഥാൻ എതിരാളികളുമായി കൈ കുലുക്കാൻ വിസമ്മതിച്ചതിനെ തുടർന്നാണ് അഫ്രീദിയുടെ പ്രസ്താവന.
“ഏഷ്യാ കപ്പ് ആരംഭിച്ചപ്പോൾ, ഇന്ത്യയും പാകിസ്ഥാനും തമ്മിലുള്ള മത്സരത്തിന് മുമ്പ് സോഷ്യൽ മീഡിയ ബഹിഷ്‌കരണ പ്രചാരണങ്ങളാൽ നിറഞ്ഞിരുന്നു. ഇത്രയധികം പൊതുജന സമ്മർദ്ദം ഉള്ളതിനാൽ, കളിക്കാരോടും ബിസിസിഐയോടും ഞങ്ങളുടെ ടീമുമായി കൈ കുലുക്കരുതെന്ന് പറഞ്ഞതിൽ അതിശയിക്കാനില്ല,”
“ഇന്ത്യൻ ക്രിക്കറ്റ് കളിക്കാരെ കുറ്റപ്പെടുത്താൻ ഞാൻ ആഗ്രഹിക്കുന്നില്ല; അവർക്ക് മുകളിൽ നിന്ന് ഉത്തരവുകൾ ലഭിച്ചു. ഇന്ത്യ “ഒരു സ്‌പോർട്‌സ്മാൻ സ്പിരിറ്റും” കാണിച്ചിട്ടില്ല. അവർ വീണ്ടും ലോകത്തിന് മുന്നിൽ നാണക്കേടാകും. നമ്മുടെ പിസിബി ചെയർമാൻ ശരിയായ നിലപാട് സ്വീകരിച്ചു,” അഫ്രീദി പറഞ്ഞു.
ഇന്ത്യാ വിരുദ്ധ പാകിസ്ഥാനികൾക്ക് എല്ലാം ഏറെ ഇഷ്ടം രാഹുലിനെയാണെന്ന് മുൻപും പല തവണ വ്യക്തമായിട്ടുണ്ട്. ഇന്ത്യാ വിരുദ്ധ പ്രസ്താവനകൾ നിരന്തരം നടത്തുന്ന പാക് താരം ഷെഹർ ഷിൻ വാരി, ബിലാവൽ ഭൂട്ടോ എന്നിവരും മുൻപ് രാഹുലിനെ പ്രശംസിച്ചും, രാഹുൽ ഇന്ത്യൻ പ്രധാനമന്ത്രിയാകണമെന്ന് ആവശ്യപ്പെട്ടും രംഗത്തെത്തിയിരുന്നു.
