ന്യൂദല്‍ഹി: എസ് സിഒ എന്ന ഷാങ്ങ് ഹായി കോഓപറേഷന്‍ ഓര്‍ഗനൈസേഷന്‍ എന്ന 24 രാജ്യങ്ങള്‍ ഉള്‍പ്പെട്ട സംഘടനയുടെ ഉച്ചകോടി മോദിയ്‌ക്കും പുടിനും ഷീ ജിന്‍പിങ്ങിനും കാര്യങ്ങള്‍ മിണ്ടാനും പറയാനും വേണ്ടി വിളിച്ചുകൂട്ടിയതാണോ എന്ന് തോന്നിപ്പോകും. ഈ സമ്മേളനത്തില്‍ ഏറ്റവുമധികം തിളങ്ങി നിന്നത് മോദിയും പുടിനും ഷീ ജിന്‍പിങ്ങും തന്നെ. ഇവര്‍ മൂവരും ചേര്‍ന്ന് ഉത്സാഹത്തോടെയുള്ള വിശേഷം പങ്കുവെയ്‌ക്കുന്നതിന്റെ ഈ വീഡിയോ ശ്രദ്ധേയമാകുന്നു.
Modi, Xi and Putin together 🔥 pic.twitter.com/T9wNpHBtn2
— News Algebra (@NewsAlgebraIND) September 1, 2025
എസ് സിഒ ഉച്ചകോടിയില്‍ പാകിസ്ഥാന്‍ പ്രധാനമന്ത്രി ഷെഹ്ബാസ് ഷെരീഫിന് അധികം പ്രാധാന്യമുണ്ടായിരുന്നില്ല. പാകിസ്ഥാന്‍ മാധ്യമങ്ങളില്‍ ഷെഹ്ബാസ് ഷെരീഫിനെതിരെ വലിയ വിമര്‍ശനം ഉയരുകയാണ്. ബലൂചിസ്ഥാന്‍ മേഖലയില്‍ ജാഫര്‍ എക്സ്പ്രസ് തീവണ്ടിയപകടത്തിന് പിന്നില്‍ ഇന്ത്യയാണെന്ന് സ്ഥാപിക്കാന്‍ ഷെഹ്ബാസ് ഷെരീഫ് വാദങ്ങളുയര്‍ത്തിയെങ്കിലും എസ് സിഒ അത് അംഗീകരിച്ചില്ല. അതേ സമയം പാക് പ്രധാനമന്ത്രി ഷെഹ്ബാസ് ഷെരീഫ് ഇരിക്കുമ്പോള്‍ തന്നെ, പഹല്‍ഗാം ആക്രമണം അതിര്‍ത്തിക്കപ്പുറത്തെ ഭീകരവാദമാണെന്നും അതിനെ അപലപിക്കണമെന്നും ഉള്ള മോദിയുടെ വാദം എസ് സിഒ അംഗീകരിക്കുകയും മോദിയുടെ പ്രമേയം പാസാക്കുകയും ചെയ്തു.
ഒരു ഘട്ടത്തില്‍ ഷീ ജിന്‍പിങ്ങും പുടിനും ചേര്‍ന്ന് നടന്നുപോകുമ്പോള്‍ കൈകൊടുക്കാന്‍ മുന്നോട്ട് വന്ന ഷെഹ്ബാസ് ഷെരീഫിനെ ശ്രദ്ധിക്കാതെ ഷീ ജിന്‍പിങ്ങ് മുന്നോട്ട് നടന്നുപോയതിന്റെ വീഡിയോ വൈറലായിരുന്നു. അതുപോലെ മോദിയും ഷീ ജിന്‍പിങ്ങും പുടിനും ചേര്‍ന്ന് സംസാരിക്കുമ്പോള്‍ മറ്റ് രാഷ്‌ട്രനേതാക്കള്‍ അപ്രസക്തരാകുന്നത് കാണാമായിരുന്നു. ഏറെ സന്തോഷത്തോടെയാണ് ഇവര്‍ മൂന്ന് പേരും വിശേഷം പങ്കുവെയ്‌ക്കുന്നത്.
മാത്രമല്ല, മോദിയ്‌ക്ക് ഏറെ പ്രാധാന്യം ചൈന ഈ ഉച്ചകോടയില്‍ ഉടനീളം നല്‍കിയിരുന്നു. നീളമുള്ള റെഡ് കാര്‍പറ്റാണ് മോദിക്ക് വേണ്ടി എയര്‍പോര്‍ട്ടില്‍ വിരിച്ചത്. മോദിയെ വരവോല്‍ക്കാന്‍ എത്തിയ ചൈനീസ് കലാകാരന്മാര്‍ വന്ദേമാതരം പാടി. മോദി ഉയര്‍ത്തിയ ആവശ്യങ്ങള്‍ എല്ലാം അംഗീകരിക്കപ്പെട്ടു എന്നതാണ് ഇന്ത്യയ്‌ക്ക് ലഭിച്ച പ്രാധാന്യത്തിന്റെ മറ്റൊരു ഉദാഹരണം. ചൈനയുമായുള്ള വ്യാപാര കമ്മി പരിഹരിക്കണമെന്ന ആവശ്യവും ചൈന അംഗീകരിച്ചു. ഇന്ത്യ, ചൈന, റഷ്യ തുടങ്ങി 10 സ്ഥിരാംഗങ്ങളും 14 സംഭാഷണ പങ്കാളികളായ രാജ്യങ്ങളും ചേര്‍ന്ന് ആകെ 24 രാജ്യങ്ങള്‍ പങ്കെടുത്ത എസ് സിഒ ഉച്ചകോടി ഇന്ത്യും ചൈനയും അടങ്ങുന്ന ഏഷ്യാ കേന്ദ്രീകൃതമായ ഒരു പുതിയ ലോകക്രമത്തിന് തന്നെ വഴിവെച്ചേക്കുമെന്നും വിലയിരുത്തലുകളുണ്ട്.
