ഗുവാഹതി : കാലുകൊണ്ട് ദേശീയ പതാക മടക്കിയ അസമിലെ ഹയര്‍ സെക്കന്‍ററി സ്കൂളിലെ വനിതാ പ്രിന്‍സിപ്പല്‍ ഫാത്തിമയെ അറസ്റ്റ് ചെയ്തു. ഇതിന്റെ വീഡിയോ വൈറലായതോടെയാണ് പൊലീസ് ഇവരെ അറസ്റ്റ് ചെയ്തത്. ദേശീയ പതാകയെ അപമാനിക്കുന്നത് തടയാനുള്ള 1971ലെ നിമയപ്രകാരമാണ് അറസ്റ്റ് ചെയ്തത്.
ഇവര്‍ കാലും കാല്‍മുട്ടും ഉപയോഗിച്ച് ദേശീയ പതാക മടക്കുന്ന വീഡിയോ വൈറല്‍ ആയതോടെയാണ് ദേശീയ പതാകയെ അപമാനിച്ച പ്രിന്‍സിപ്പല്‍ക്കെതിരെ നടപടിയെടുക്കണമെന്ന് പ്രദേശവാസികള്‍ തന്നെ പരാതി നല്‍കുകയായിരുന്നു. അസമില്‍ ഒരു സംഘം യുവാക്കള്‍ ദേശീയപതാകയെ അപമാനിച്ച മറ്റൊരു സംഭവവും റിപ്പോര്‍ട്ട് ചെയ്തിരുന്നു.
ഗോപിനാഥ് ദേബ് ദേശായി ഹയര്‍ സെക്കന്‍ററി സ്കൂളില്‍ നിന്നായിരുന്നു ഈ സംഭവം റിപ്പോര്‍ട്ട് ചെയ്തത്. ചാംഗുരിയിലെ ബരംഗതാലിയിലെ സ്കൂളിലെ പ്രിന്‍സിപ്പലാണ് ദേശീയ പതാകയെ അപമാനിച്ചത്. ഫാത്തിമ ഖത്തൂണ്‍ എന്നാണ് പ്രിന്‍സിപ്പലിന്റെ പേര്.
സ്വാതന്ത്ര്യദിനത്തില്‍ രാവിലെ ഉയര്‍ത്തുന്ന പതാക 15ാം തിയതി തന്നെ താഴ്‌ത്തിയതിന് ശേഷം അഴിച്ചുവെയ്‌ക്കണം എന്നുണ്ട്. അന്ന് തന്നെ അഴിച്ചുമാറ്റാന്‍ മറന്നുപോയ ഇവര്‍ ആഗസ്ത് 16ന് രാവിലെ ഒറ്റയ്‌ക്ക് രാവിലെ 7.30ന് തന്നെ സ്കൂളില്‍ എത്തുകയായിരുന്നു. പതാക താഴ്‌ത്തിയതിന് ശേഷമാണ് കാലുകൊണ്ട് ഇവര്‍ മടക്കിയത്. സ്വാതന്ത്ര്യദിനത്തില്‍ തന്നെ ഇവര്‍ പതാക താഴ്‌ത്താന്‍ മറുന്നപോയി. ഇത് സ്വാതന്ത്ര്യപ്പതാകയോട് കാണിച്ച കടുത്ത നിന്ദയാണ്. പിന്നീട് ശനിയാഴ്ച രാവിലെ സ്കൂളില്‍ എത്തിയ ഇവര്‍ സ്വാതന്ത്ര്യപ്പതാക ഒറ്റയ്‌ക്ക് താഴ്‌ത്തുകയായിരുന്നു. അന്നേരമാണ് ഫാത്തിക ഖത്തൂണ്‍ കാലും കാല്‍മുട്ടും ഉപയോഗിച്ച് ഇന്ത്യന്‍ പതാക മടക്കിയത്.
