ഒഴിവുകള് 230, സ്ഥിര നിയമനം
ഓണ്ലൈനില് ഓഗസ്റ്റ് 18 വരെ അപേക്ഷ സ്വീകരിക്കും.
വിശദവിവരങ്ങള് https://upsconline.nic.in- ല്
എംപ്ലോയീസ് പ്രോവിഡന്റ് ഫണ്ട് ഓര്ഗനൈസേഷനിലേക്ക് (ഇപിഎഫ്ഒ) വിവിധ തസ്തികകളില് നേരിട്ടുള്ള സ്ഥിരം നിയമനത്തിന് യുപിഎസ്സി അപേക്ഷകള് ക്ഷണിച്ചു. കേന്ദ്രസര്ക്കാര് ആഭിമുഖ്യത്തിലുള്ള സ്ഥാപനമാണിത്.
എന്ഫോഴ്സ്മെന്റ് ഓഫീസര്/അക്കൗണ്ട്സ് ഓഫീസര്, ഒഴിവുകള് 156 (ജനറല്/സംവരണം ചെയ്യപ്പെടാത്തത് 78, ഒബിസി നോണ് ക്രീമിലെയര് 42, ഇഡബ്ല്യുഎസ് 1, എസ്സി 23, എസ്ടി 12), ഭിന്നശേഷിക്കാര്ക്ക് (പിഡബ്ല്യുബിഡി) ഒന്പത് ഒഴിവുകളില് നിയമനം ലഭിക്കും.
ഏതെങ്കിലും വിഷയത്തില് അംഗീകൃത സര്വ്വകലാശാലാ ബിരുദമുള്ളവര്ക്ക് അപേക്ഷിക്കാം. പ്രായപരിധി 30 വയസ്.
അസിസ്റ്റന്റ് പ്രോവിഡന്റ് ഫണ്ട് കമ്മീഷണര്, ഒഴിവുകള് 76 (സംവരണം ചെയ്യാത്തത് 32, ഇഡബ്ല്യൂഎസ് 7, ഒബിസി നോണ് ക്രീമിലെയര് 28, എസ്സി 7) ഭിന്നശേഷിക്കാര്ക്ക് (പിഡബ്ല്യുബിഡി) 3 ഒഴിവുകളിലാണ് നിയമനം.
യോഗ്യത: അംഗീകൃത സര്വ്വകലാശാലാ ബിരുദം. കമ്പനി ലോ/ലേബര് ലോസ്/പബ്ലിക് അഡ്മിനിസ്ട്രേഷന് ഡിപ്ലോമ അഭിലഷണീയം. പ്രായപരിധി 35 വയസ്.
ഒബിസി നോണ് ക്രീമിലെയര്/പട്ടികജാതി/വര്ഗം/ഭിന്നശേഷിക്കാര്/വിമുക്തഭടന്മാര് മുതലായ വിഭാഗങ്ങളില്പ്പെടുന്നവര്ക്ക് നിയമാനുസൃത വയസ്സിളവ് ലഭിക്കും.
പരസ്യ നമ്പര് 52/2025 പ്രകാരമുള്ള പ്രത്യേക വിജ്ഞാപനം യുപിഎസ്സിയുടെ ഔദ്യോഗിക വെബ്സൈറ്റായ https://upsconline.nic.in- ല് പ്രസിദ്ധീകരിച്ചിട്ടുണ്ട്. അപേക്ഷാ ഫീസ് ഓരോ തസ്തികക്ക് 25 രൂപ വീതം. പട്ടികജാതി/വര്ഗ്ഗം, ഭിന്നശേഷിക്കാര്/വനിതകള് എന്നീ വിഭാഗങ്ങളില്പ്പെടുന്നവരെ ഫീസില്നിന്നും ഒഴിവാക്കിയിട്ടുണ്ട്. ഡബിറ്റ്/ക്രഡിറ്റ് കാര്ഡ്/ഇന്ററനെറ്റ് ബാങ്കിങ് മുഖേന ഫീസ് അടയ്ക്കാം. നിര്ദ്ദേശാനുസരണം ഓണ്ലൈനില് ഓഗസ്റ്റ് 18 വരെ അപേക്ഷിക്കാവുന്നതാണ്.
ടെസ്റ്റും ഇന്റര്വ്യുവും നടത്തിയാണ് തെരഞ്ഞെടുപ്പ്. കേരളത്തില് കോഴിക്കോട്, കൊച്ചി, തിരുവനന്തപുരം നഗരങ്ങളില് പരീക്ഷാകേന്ദ്രങ്ങളുണ്ടാവും. തെരഞ്ഞെടുക്കപ്പെടുന്നവര്ക്ക് ഇപിഎഫ്ഒ ഹെഡ്ക്വാര്ട്ടേഴ്സിലാവും നിയമനം. എന്നാല് ഇന്ത്യയിലെവിടെയും ജോലി ചെയ്യാന് ബാധ്യസ്ഥമാണ്. കൂടുതല് വിവരങ്ങള് വിജ്ഞാപനത്തിലുണ്ട്.
