തിരുവനന്തപുരം: സാങ്കേതിക സര്വകലാശാലയുടെ ബജറ്റ് പാസാക്കുന്നതിന് മുന്നോടിയായി വൈസ് ചാന്സലര് വിളിച്ചുചേര്ത്ത സര്വകലാശാലയുടെ ഫിനാന്സ് കമ്മിറ്റി യോഗം ക്വാറം തികയാത്തതിനാല് ചേരാന് കഴിഞ്ഞില്ല. സര്വകലാശാല ഉദ്യോഗസ്ഥരും, സിന്ഡിക്കേറ്റിലെയും ബോര്ഡ് ഓഫ് ഗവര്ണഴ്സിലെയും തെരഞ്ഞെടുക്കപ്പെട്ട അംഗങ്ങള്, സര്ക്കാരിന്റെ ധനകാര്യവകുപ്പിലെയും ഉന്നത വിദ്യാഭ്യാസ വകുപ്പിലെയും പ്രതിനിധികള് ഉള്പ്പെടെ 14 അംഗങ്ങളുള്ളതാണ് ഫിനാന്സ് കമ്മിറ്റി. ക്വാറം തികയണമെങ്കില് 5 അംഗങ്ങളെങ്കിലും യോഗത്തില് പങ്കെടുത്തിരിക്കണം.
എന്നാല് ഇന്നലെ ഉച്ചയ്ക്ക് രണ്ടുമണിക്ക് ചേര്ന്ന യോഗത്തില് വൈസ് ചാന്സലറും, രജിസ്ട്രാറും, ഫിനാന്സ് ഓഫീസറും, ഒരു ബോര്ഡ് ഓഫ് ഗവര്ണേഴ്സ് പ്രതിനിധിയും മാത്രമേ ഹാജരായിരുന്നുള്ളൂ. ഓണ്ലൈന് സംവിധാനം ഒരുക്കിയിട്ടും മറ്റുള്ള ഉദ്യോഗസ്ഥരും, യൂണിവേഴ്സിറ്റി ഉദ്യോഗസ്ഥരായ രണ്ട് ഡീന്മാരും യോഗത്തില് നിന്ന് വിട്ടുനിന്നതിനാല് ക്വാറം തികയാതെ ഫിനാന്സ് കമ്മിറ്റി യോഗത്തിന് ബജറ്റ് അംഗീകരിക്കാന് കഴിഞ്ഞില്ല. ഓണ്ലൈനായി യോഗത്തില് പങ്കെടുക്കാന് അവസരം ഉണ്ടായിരുന്നിട്ടും മറ്റുള്ള ഉദ്യോഗസ്ഥരും അംഗങ്ങളും രാഷ്ട്രീയ ഇടപെടല് കാരണം മനപൂര്വ്വം മാറി നില്ക്കുകയായിരുന്നു.
