രജനീകാന്തിന്റെ ‘കൂലി’ എന്ന ചിത്രം ഓഗസ്റ്റ് 15 ന് റിലീസ് ചെയ്യും. മൾട്ടിസ്റ്റാർ ചിത്രമാണ് കൂലി . രജനീകാന്തിനൊപ്പം അക്കിനേനി നാഗാർജുന, സത്യരാജ് , ഉപേന്ദ്ര, ആമിർ ഖാൻ, സൗബിൻ , ശ്രുതി ഹാസൻ, രചിത റാം എന്നിവരും ചിത്രത്തിൽ അഭിനയിച്ചിട്ടുണ്ട്. പതിറ്റാണ്ടുകൾക്ക് ശേഷമാണ് രജനീകാന്തും സത്യരാജും ഒരേ സിനിമയിൽ ഒരുമിച്ച് അഭിനയിക്കുന്നത്. വർഷങ്ങളായി ഇരുവരും പരസ്പരം സംസാരിക്കാറുപോലുമില്ലെന്നാണ് തമിഴ് മാധ്യമങ്ങളുടെ റിപ്പോർട്ട്.
രജനീകാന്തും സത്യരാജും 80 കളിൽ അടുത്ത സുഹൃത്തുക്കളായിരുന്നു. സത്യരാജും അന്ന് പ്രധാന വേഷങ്ങളിൽ അഭിനയിച്ചിരുന്നു. സത്യരാജും രജനീകാന്തും ചില സിനിമകളിൽ ഒരുമിച്ച് നായകന്മാരായി അഭിനയിച്ചിട്ടുമുണ്ട് . രജനീകാന്ത് തന്നെ തേടി വന്ന ചില സിനിമകൾ സത്യരാജിന് നൽകുകയും ചെയ്തു. കളോടെ രജനീകാന്ത് ഒരു വലിയ താരമായി മാറിയിരുന്നു, എന്നാൽ അതേ സമയം തന്നെ സത്യരാജിന്റെ സിനിമകൾ കുറയാൻ തുടങ്ങി.സത്യരാജിന് സഹിക്കാൻ കഴിയാത്ത ഒന്നായിരുന്നു ഇത്.
അതേസമയം, തമിഴ്‌നാട്ടിൽ ജലസംരക്ഷണ സമരങ്ങൾ ആരംഭിച്ചു. സമരത്തിനിടെ, സത്യരാജ് രജനീകാന്തിനെ പേരെടുത്ത് പറയാതെ രൂക്ഷമായി വിമർശിക്കുകയും അധിക്ഷേപിക്കുകയും ചെയ്തിരുന്നു. രജനീകാന്ത് ചില രാഷ്‌ട്രീയ പാർട്ടികളെ ആ സമയത്ത് പിന്തുണച്ചിരുന്നു. ആ സമയത്ത്, സത്യരാജും ശരത് കുമാറും അവസരം ലഭിക്കുമ്പോഴെല്ലാം രജനീകാന്തിനെ പരസ്യമായി വിമർശിക്കാറുണ്ടായിരുന്നു. സത്യരാജിന് രജനീകാന്തിനോട് അസൂയ തോന്നിത്തുടങ്ങിയിരുന്നുവെന്നാണ് മാധ്യമറിപ്പോർട്ടുകൾ.
എന്നാൽ രജനീകാന്ത് ഇതിനോടൊന്നും പ്രതികരിച്ചിരുന്നില്ല . 2007-ൽ രജനീകാന്തിന്റെ ‘ശിവാജി’ എന്ന ചിത്രത്തിൽ വില്ലനായി അഭിനയിക്കാൻ സത്യരാജിനോട് ആവശ്യപ്പെട്ടതായി റിപ്പോർട്ടുണ്ട്. രജനീകാന്തിന് ലഭിക്കുന്ന അതേ പ്രതിഫലം നൽകുമെന്ന് സത്യരാജിനോട് പറഞ്ഞിരുന്നു. എന്നിട്ടും , സത്യരാജ് ആ വേഷം ചെയ്തില്ല. ആ സമയത്ത്, തമിഴ് സ്വത്വത്തിനായുള്ള പോരാട്ടത്തിൽ സത്യരാജ് സജീവമായി ഇടപെട്ടിരുന്നു. കാവേരി വിഷയത്തിൽ കന്നഡ അനുകൂല പ്രവർത്തകരെയും കർണാടക സർക്കാരിനെയും സത്യരാജ് അപമാനിച്ചിരുന്നു.
എന്നാൽ ‘ബാഹുബലി’ എന്ന ചിത്രത്തിനുശേഷം സത്യരാജിന്റെ ഈ സ്വഭാവത്തിൽ ഏറെ മാറ്റം വന്നു . തമിഴ് അനുകൂല സമരങ്ങളും കുറഞ്ഞു. പതിറ്റാണ്ടുകൾക്ക് ശേഷം സത്യരാജ് പഴയ വൈരാഗ്യങ്ങളെല്ലാം മറന്ന് വീണ്ടും പഴയ സുഹൃത്തിന്റെ സിനിമയിൽ അഭിനയിക്കുകയും ചെയ്തു.
