ന്യൂദല്‍ഹി: അയോധ്യ, മാ വൈഷ്ണോദേവി, ശബരിമല, ഗുരുവായൂര്‍ തുടങ്ങി ഇന്ത്യയിലെ പ്രധാനക്ഷേത്രങ്ങള്‍ക്കെല്ലാം പട്ടാളസുരക്ഷയേര്‍പ്പെടുത്തേണ്ട സ്ഥിതിയുണ്ടെന്നും ഹിന്ദുക്കള്‍ ഭൂരിപക്ഷമായിരുന്നിട്ടും എന്തുകൊണ്ടാണ് അവരുടെ ക്ഷേത്രങ്ങള്‍ക്ക് പട്ടാളസുരക്ഷ ഏര്‍പ്പെടുത്തേണ്ടിവരുന്നതെന്നുമുള്ള ചോദ്യം ഉയരുകയാണ്.
.
ഹിന്ദുക്കളാണ് ഇന്ത്യയില്‍ ഏറ്റവും കൂടുതല്‍ പീഢനങ്ങള്‍ അനുഭവിക്കേണ്ടി വരുന്നത്. സംഘടിതമായ ന്യൂനപക്ഷങ്ങള്‍ ഹിന്ദുതാല‍്പര്യങ്ങള്‍ക്കെതിരെ ശക്തമായ ആക്രമണം നടത്തിവന്നിരുന്നുവെന്നും വിദഗ്ധര്‍ ചൂണ്ടിക്കാട്ടുന്നു. അതിന് ഉദാഹരണമാണ് ജവഹര്‍ലാല്‍ കൊണ്ടുവന്ന ഹിന്ദു മതബില്‍. ഹിന്ദുമതത്തെ നിയന്ത്രിക്കുക എന്ന ലക്ഷ്യത്തോടെ കൊണ്ടുവന്നതാണ് ഈ ബില്‍. ഇങ്ങിനെ ഹിന്ദുമതത്തിന് മാത്രമായി ഒരു ബില്‍ കൊണ്ടുവരാന്‍ 1950ല്‍ പ്രധാനമന്ത്രിയായിരുന്ന നെഹ്രു ശ്രമിച്ചപ്പോള്‍ അന്നത്തെ ഉപപ്രധാനമന്ത്രിയായ സര്‍ദാര്‍ പട്ടേല്‍ ഇതിനെ സര്‍വ്വശക്തിയുമെടുത്ത് എതിര്‍ത്തു. ഈ ബില്‍ അവതരിപ്പിച്ചാല്‍ താന്‍ രാജിവെയ്‌ക്കും എന്നായിരുന്നു സര്‍ദാര്‍ നെഹ്രുവിനോട് പറഞ്ഞത്. എതിര്‍പ്പുണ്ടായപ്പോള്‍ അന്ന് നെഹ്രു ഈ ബില്‍ അവതരിപ്പിച്ചില്ല.
പക്ഷെ പിന്നീട് സര്‍ദാര്‍ വല്ലഭായി പട്ടേലിന്റെ മരണ ശേഷം നെഹ്രു ഹിന്ദു മത ബില്‍ കൊണ്ടുവന്നു. എന്തിനാണ് ഒരു മതത്തിന് മാത്രം ഒരു ബില്‍. എല്ലാ മതങ്ങള്‍ക്കും പൊതുവായ ഒരു ഏക സിവില്‍ കോഡല്ലേ കൊണ്ടുവരേണ്ടത് എന്ന് കോണ്‍ഗ്രസിനുള്ളില്‍ തന്നെയുള്ള പലരും ചോദ്യമുയര്‍ത്തിയെങ്കിലും നെഹ്രു അത് കണക്കാക്കിയില്ല. ആ ബില്ലാണ് ഹിന്ദുവിനെ ദുര്‍ബലപ്പെടുത്തിയത്.
ഹിന്ദുക്കളെ നിയന്ത്രിക്കുക എന്നതായിരുന്നു ഈ ഹിന്ദു മത ബില്ലിന്റെ ലക്ഷ്യം.. ഹിന്ദുക്കളെ പല ജാതികളാക്കി തിരിച്ച് ചില ജാതികള്‍ക്ക് മാത്രം സംവരണം നല്‍കി ഹിന്ദുക്കളെ തമ്മില്‍ അടിപ്പിക്കുക എന്നതായിരുന്നു ഈ ഹിന്ദുമതബില്ലിന്റെ ലക്ഷ്യം. ഹിന്ദുക്കളെ മതപരിവര്‍ത്തന ചെയ്യുക എന്നതും ലക്ഷ്യമായിരുന്നു. ആ ലക്ഷ്യം സാധിച്ചു ഹിന്ദുക്കള്‍ ദുര്‍ബലരായതിന് പിന്നില്‍ ഈ ബില്ലിന് പങ്കുണ്ടെന്നും വിദഗ്ധര്‍ പറയുന്നു.
ഇന്ന് അയോധ്യക്ഷേത്രത്തിന്റെ സുരക്ഷ ഏറ്റെടുത്തിരിക്കുന്നത് നാഷണല്‍ സെക്യൂരിറ്റി ഗാര്‍ഡ് എന്ന എന്‍എസ് ജി ആണ്. എടിഎസിനാണ് കാശി വിശ്വനാഥക്ഷേത്രത്തിന്റെ സുരക്ഷാചുമതല. അമര്‍നാഥ് യാത്രയ്‌ക്ക് സംരക്ഷണം ഒരുക്കുന്നത് ഇന്ത്യന്‍ പട്ടാളമാണ്. അതുപോലെ കേരളത്തില്‍ ശ്രീപത്മനാഭസ്വാമിക്ഷേത്രം, ഗുരുവായൂര്‍ ക്ഷേത്രം, ശബരിമല എന്നിവയ്‌ക്ക് സുരക്ഷ ഒരുക്കുന്നത് ഇന്‍റലിജന്‍സ് ഏജന്‍സികളാണ്. ഇത് എന്തുകൊണ്ടാണ്? ഇന്ത്യയിലെ ഭൂരിപക്ഷമതമായിട്ടും എന്തിനാണ് അവരുടെ ആരാധനാലയങ്ങള്‍ക്ക് സുരക്ഷ ഏര്‍പ്പെടുത്തേണ്ടിവരുന്നത്? ആക്രമിക്കപ്പെടും എന്ന ഭീതിയാണ് ഇതിന് പിന്നിലെന്നും അതേ സമയം ന്യൂനപക്ഷങ്ങളുടെ ആരാധനാലയങ്ങള്‍ക്ക് സംരക്ഷണം ഏര്‍പ്പെടുത്തേണ്ടിവരുന്നില്ലെന്നും അതിന് കാരണം ഹിന്ദുക്കളില്‍ ഭീകരവാദികള്‍ ഇല്ലാത്തിതിനാലാണെന്നും വിദഗ്ധര്‍ നിരീക്ഷിക്കുന്നു. ഹൈന്ദവ ആരാധനാലയങ്ങള്‍ക്ക് സംരക്ഷണം ഏര്‍പ്പെടുത്തിയില്ലെങ്കില്‍ ആയിരക്കണക്കിന് ഹിന്ദുക്കള്‍ കൊല്ലപ്പെടുമെന്ന് ഉറപ്പാണെന്നും നിരീക്ഷിക്കപ്പെടുന്നു.
