ന്യൂയോർക്ക് : യുഎസ് പ്രസിഡന്റ് ഡൊണാൾഡ് ട്രംപ് കംബോഡിയയും തായ്ലൻഡും തമ്മിലുള്ള യുദ്ധത്തിൽ ഇടപെടുന്നു. ട്രംപ് ആദ്യം കംബോഡിയ പ്രധാനമന്ത്രിയുമായും പിന്നീട് തായ്ലൻഡ് ആക്ടിംഗ് പ്രധാനമന്ത്രിയുമായും ഫോണിൽ സംസാരിച്ചു.
ഇരു രാജ്യങ്ങളുമായും യുദ്ധം നിർത്താൻ ട്രംപ് ആവശ്യപ്പെട്ടു. ഇതോടൊപ്പം ഇരു രാജ്യങ്ങളുമായുള്ള വ്യാപാര ചർച്ചകളെക്കുറിച്ചും അദ്ദേഹം സംസാരിച്ചു. എന്നിരുന്നാലും ഇരു രാജ്യങ്ങളും തമ്മിൽ ഒരു വെടിനിർത്തൽ ഉണ്ടാകുന്നതുവരെ, ഒരു തരത്തിലുള്ള വ്യാപാര ചർച്ചയും സാധ്യമല്ലെന്ന് ട്രംപ് ആവർത്തിച്ചു.
വരും വർഷങ്ങളിൽ അവർ ഒരുമിച്ച് പ്രവർത്തിക്കുമെന്ന് പ്രതീക്ഷിക്കുന്നതായും ട്രംപ് പറഞ്ഞു. സങ്കീർണ്ണമായ ഒരു സാഹചര്യം ലളിതമാക്കാൻ ഞാൻ ശ്രമിക്കുകയാണെന്നും കംബോഡിയ പ്രധാനമന്ത്രിയുമായി സംസാരിച്ചതിന് ശേഷം ട്രംപ് ട്രൂത്ത് സോഷ്യലിൽ കുറിച്ചു.
