കണ്ണൂർ: സൗമ്യ വധക്കേസിൽ ജീവപര്യന്തം കഠിനതടവിന് കണ്ണൂർ സെൻട്രൽ ജയിലിൽ പാർപ്പിച്ചിരുന്ന ഗോവിന്ദചാമി ജയിൽ ചാടിയതിൽ അധികൃതരുടെ ഭാഗത്ത് ഗുരുതര വീഴ്‌ച്ചയെന്നാണ് വിലയിരുത്തൽ.
ജയിൽ വളപ്പിലെ അതീവ സുരക്ഷാസംവിധാനങ്ങളുള്ള സെല്ലിൽ നിന്നാണ് ഇയാൾ ചാടിയത്. പലരും ഇക്കാര്യത്തിൽ പൊലീസിനെയും, സർക്കാരിനെയും വിമർശിച്ചും, പരിഹസിച്ചും രംഗത്തെത്തി. ബിജെപി നേതാവായ യുവരാജ് ഗോകുലും സർക്കാരിനെ പരിഹസിച്ച് രംഗത്തെത്തി. ഗോവിന്ദചാമിയുടെ ജയില്‍ ചാട്ടം ഒരര്‍ത്ഥത്തില്‍ സര്‍ക്കാരിന് നേട്ടമായിട്ടുണ്ടെന്നാണ് യുവരാജിന്റെ വാദം.
സിസ്റ്റം ശരിയല്ല , ഇവിടെല്ലാം തകരുന്നു എന്ന് പറയുന്നത് പൂര്‍ണ്ണമായും ശരിയല്ല എന്ന് ഈ ജയില്‍ ചാട്ടം തെളിയിച്ചു. അയാള്‍ വലിഞ്ഞു കയറിയിട്ടും ആ മതില്‍ ഇടിഞ്ഞ് വീണില്ല എന്നത് ഈ സര്ക്കാരിന്റെ നേട്ടമാണെന്നും യുവരാജ് പറയുന്നു.
