മുംബൈ : ‘ഉദ്ധവ് താക്കറെയ്ക്ക് വേണമെങ്കില് ഭരണപക്ഷത്തേക്ക് വരാം, എന്താായാലും ഞങ്ങള്ക്ക് 2029 വരെ പ്രതിപക്ഷത്തേക്ക് വരാന് കഴിയില്ല’, -അല്പം പരിഹാസത്തോടെയാണ് മുഖ്യമന്ത്രി ദേവേന്ദ്ര ഫഡ്നാവിസ് കഴിഞ്ഞ ദിവസം ഈ പരാമര്ശം നടത്തിയത്. പറഞ്ഞുതീര്ന്നില്ല, ദേവേന്ദ്ര ഫഡ് നാവിസിനെ കാണാന് ഉദ്ധവ് താക്കറെയും മകന് ആദിത്യ താക്കറെയും എത്തി. ഇത്രയ്ക്ക് അരക്ഷിതനാണോ ഉദ്ധവ് താക്കറെ എന്ന ചോദ്യമാണ് ഉയരുന്നത്.
2024ലെ മഹാരാഷ്ട്രനിയമസഭാ തെരഞ്ഞെടുപ്പ് ജയിച്ച ബിജെപി നേതൃത്വത്തിലുള്ള സര്ക്കാര് കാലാവധി പൂര്ത്തിയാക്കും എന്ന അര്ത്ഥത്തിലാണ് 2029 വരെ പ്രതിപക്ഷത്തേക്ക് വരാന് കഴിയില്ലെന്ന് ദേവേന്ദ്ര ഫഡ് നാവിസ് പ്രസ്താവിച്ചത്. ബിജെപി സര്ക്കാരിനെ അട്ടിമറിക്കും എന്ന രീതിയില് കസിന് സഹോദരനായ രാജ് താക്കറെയുമായി ചേര്ന്ന് ഉദ്ധവ് താക്കറെ മറാത്തി ഭാഷാസ്നേഹം ഉയര്ത്തി ചില കോലാഹലങ്ങള് ഉയര്ത്തി വരികയാണ്. ദേവേന്ദ്ര ഫഡ് നാവിസിനെ കാണാന് തിരക്കിട്ട് ഉദ്ധവ് താക്കറെ എത്തിച്ചേര്ന്നത് ഇവരുടെ സമരത്തിന്റെ പൊള്ളത്തരം തുറന്നുകാട്ടുന്നു. ഉദ്ധവ് താക്കറെയുടെയും മകന്റെയും അരക്ഷിതാവസ്ഥയാണ് തിടുക്കത്തില് ഫഡ് നാവിസിനെ കാണാന് വന്നത് വഴി പുറത്തായത്.
മന്ത്രിസഭയില് ചേരാന് താല്പര്യം ഉണ്ട് എന്ന് പറയാതെ, എന്തുകൊണ്ട് ഒന്നാം ക്ലാസ് മുതല് ഹിന്ദി പഠിപ്പിക്കാന് പാടില്ല എന്ന് സമര്ത്ഥിക്കുന്ന വിവിധ ജേണലിസ്റ്റുകളുടെ ലേഖനങ്ങള് സമാഹിച്ച ഒരു പുസ്തകം ദേവേന്ദ്ര ഫഡ്നാവിസിന് നല്കാനായിരുന്നു ഉദ്ധവ് താക്കറെ എത്തിയത്. മകന് ആദിത്യ താക്കറെയും ഒപ്പമുണ്ടായിരുന്നു. ലെജിസ്ലേറ്റീവ് കൗണ്സില് ചേംബറില് വെച്ചായിരുന്നു ഇരുവരും കണ്ടുമുട്ടിയത്. സ്കൂളില് ഹിന്ദി കൂടി നിര്ബന്ധമായി പഠിപ്പിക്കണം എന്ന തീരുമാനം നടപ്പാക്കിയത് ഉദ്ധവ് താക്കറെ മുഖ്യമന്ത്രിയായിരുന്നപ്പോഴായിരുന്നു എന്നതാണ് ഏറ്റവും തമാശ.
20 മിനിറ്റ് നേരം ദേവേന്ദ്ര ഫഡ്നാവിസും ഉദ്ധവ് താക്കറെയും സംസാരിച്ചു. കേന്ദ്രസര്ക്കാര് നടപ്പാക്കുന്ന ത്രിഭാഷാ പദ്ധതിയെക്കുറിച്ചും പ്രതിപക്ഷനേതാവിനെ തെരഞ്ഞെടുക്കുന്നതിനെക്കുറിച്ചും ഇരുവരും ചര്ച്ച ചെയ്തു.
