കൊല്ലം: എഴുകോണില്‍ മൂന്നോളം വരുന്ന അക്രമി സംഘം മാരകയുധങ്ങളുമായി വീടു കയറി ആക്രമണം നടത്തി. 12 ഓളം ജനല്‍ ജില്ലകള്‍ അക്രമികള്‍ അടിച്ചു തകര്‍ത്തു. ഉച്ചയ്‌ക്ക് ഒന്നരയോടെ എഴുകോണ്‍ കോയിക്കല്‍ ക്ഷേത്രത്തിന് സമീപം
ആനന്ദഭവനില്‍ ശ്രീനിവാസന്‍ പിള്ളയുടെ വീട്ടില്‍ നേരെയാണ് ആക്രമണം ഉണ്ടായത്. അയല്‍വാസിയായ വിളയിലഴികത്ത് വീട്ടില്‍ ഹരിലാലും കണ്ടാലറിയുന്ന രണ്ടു പേരും ചേര്‍ന്നാണ് പ്രദേശത്തു ഭീതി പരത്തിയ അക്രമം നടത്തിയത്. പണിമുടക്ക് ദിവസം മൂവരും മദ്യപിച്ച ശേഷമാണ് ആക്രമണം നടത്തിയത്.
വയോധികര്‍ മാത്രമുള്ള ആനന്ദ ഭവനില്‍ എത്തി കൈയില്‍ കരുതിയ വടി വാള്‍, കൊടുവാള്‍ തുടങ്ങിയവ കൊണ്ട് ജന്നല്‍ ചില്ലുകള്‍ ഒന്നൊന്നായി വീടിനു ചുറ്റും നടന്നു അടിച്ചു പൊട്ടിക്കുകയായിരുന്നു. വീട്ടില്‍ ഉണ്ടായിരുന്നവര്‍ വാതില്‍ അടച്ചതിനാല്‍ അവര്‍ക്കെതിരെ ആക്രമണം ഉണ്ടായില്ല. അക്രമികള്‍ കൂടുതല്‍ അക്രമത്തിലേക്ക് തിരിഞ്ഞ പ്പോഴേക്കും എഴുകോണ്‍ പൊലീസ് സ്ഥലത്തെത്തുകയും അക്രമി കള്‍ ഓടി രക്ഷപെടുകയും ചെയ്തു. അക്രമത്തിനു നേതൃത്വം നല്‍കിയ ഹരി ലാലിനെ പൊലീസ് പിടികൂടി. മറ്റുള്ള പ്രതികളെ പിടികൂടാന്‍ ശ്രമം തുടങ്ങി. ലഹരിക്ക് അടിമയായ ഹരിലാല്‍ പ്രദേശത്തു സംഘമായി എത്തി നിരന്തരം പ്രശ്‌നങ്ങള്‍ ഉണ്ടാക്കാറുണ്ടെന്ന് പ്രദേശവാസികള്‍ പറഞ്ഞു.
