സായ് ബാബ വ്രതം മതപരമായി ആചരിക്കുന്നതിന് പിന്നിലെ കാരണം വെളിപ്പെടുത്തി ഉപാസന കാമിനേനി കൊനിഡേല. അത് ഒരു മികച്ച വ്യക്തിയാകാൻ തന്നെ എങ്ങനെ സഹായിച്ചു എന്നും അവർ പങ്ക് വെച്ചു. എപ്പോഴും ആത്മീയതയിലും വിശ്വാസത്തിലും അതീവ ശ്രദ്ധ പുലർത്തുന്ന ഉപാസന അടുത്തിടെ പുറത്തിറങ്ങിയ ഒരു വീഡിയോയിൽ ആണ്, ദിവ്യ വ്യക്തിത്വമായ സായ് ബാബയോടുള്ള തന്റെ ഭക്തിയെക്കുറിച്ച് സംസാരിച്ചത്. ആത്തമ്മാസ് കിച്ചണിന്റെ ഒരു ലഘുലേഖയിൽ നിന്നുള്ള ശ്ലോകങ്ങളും മന്ത്രങ്ങളും വായിച്ചുകൊണ്ട് കൊണ്ടാണ് ഈ വീഡിയോയിൽ വ്രതം ആചരിക്കുന്നതിന്റെ പ്രാധാന്യത്തെക്കുറിച്ച് അവർ സംസാരിച്ചത്.
അതിൽ ഒരു വ്യക്തിപരമായ സംഭവം അവർ ഓർമ്മിക്കുകയും തന്റെ വിശ്വാസം ഈ ആത്മീയ പരിശീലനം സ്വീകരിക്കാൻ തന്നെ പ്രേരിപ്പിച്ചതെങ്ങനെയെന്ന് പങ്കുവെക്കുകയും ചെയ്തു. എല്ലാവരും തങ്ങൾക്ക് മനസ്സിലാകുന്നത് എന്താണെന്ന് സ്വയം കണ്ടെത്തണമെന്ന് താൻ കരുതുന്നു എന്നും തന്റെ ഭർത്താവിന് അത് അയ്യപ്പ സ്വാമിയാണ് എങ്കിൽ തനിക്ക് അത് സായ് ബാബയാണ് എന്നും അവർ വെളിപ്പെടുത്തി. കുട്ടിക്കാലം മുതൽ, കുടുംബത്തിൽ നിന്ന് ലഭിച്ച ദൈവവിശ്വാസം തനിക്ക് വളരെ ശക്തമായ ഒരു അടിത്തറ നൽകി എന്നും തന്റെ ജീവിതത്തിലെ ഒരു ഘട്ടത്തിൽ താൻ വളരെ ദുഷ്‌കരമായ ഒരു സമയത്തിലൂടെ കടന്നുപോയപ്പോൾ ആണ് ‘എന്തുകൊണ്ട് സായ് ബാബ വ്രതം പരീക്ഷിച്ചുകൂടാ?’ എന്ന ചോദ്യം അവരിൽ നിന്ന് ഉണ്ടായതെന്നും ഉപാസന പറഞ്ഞു.
കഥകൾ വായിക്കാൻ തുടങ്ങിയപ്പോൾ കാര്യങ്ങൾ മാറാൻ തുടങ്ങുകയും താൻ കൂടുതൽ പോസിറ്റീവായതോടെ തന്റെ ചുറ്റുമുള്ള ആളുകളും കൂടുതൽ പോസിറ്റീവായി മാറാൻ തുടങ്ങിയെന്നും ഉപാസന പറഞ്ഞു. ഈ ചെറിയ മാറ്റങ്ങൾ താൻ ഒരു മികച്ച വ്യക്തിയായി മാറുന്നുവെന്ന് മനസ്സിലാക്കാൻ തന്നെ സഹായിച്ചു എന്നത് കൊണ്ടാണ് ഈ വ്രതം തനിക്ക് ഇത്രയധികം അർത്ഥമുള്ളത് ആകുന്നതെന്നും അവർ പറയുന്നു. വിശ്വാസം ഈ ലോകത്തിലെ എന്തിനേക്കാളും നമ്മളെ സുഖപ്പെടുത്തുമെന്ന് താൻ വിശ്വസിക്കുന്നു എന്നും ഉപാസന കൂട്ടിച്ചേർത്തു.
തന്റെ വ്യക്തിപരമായ അനുഭവങ്ങൾ പങ്കുവെക്കുന്നതിനൊപ്പം, ഉപാസന കാമിനേനി കൊനിഡേല ഇന്റർനെറ്റ് ഉപയോക്താക്കളെ ആത്മീയത സ്വീകരിക്കാനും ഉപവാസം അനുഷ്ഠിക്കുന്നത് പരിഗണിക്കാനും പ്രോത്സാഹിപ്പിച്ചു. വിശ്വാസത്തിന്റെയും ഉപവാസത്തിന്റെയും ശക്തിയെക്കുറിച്ചുള്ള അവരുടെ ചിന്തകൾ അതിന്റെ പരിവർത്തന ശേഷിയെ അടിവരയിടുന്നു എന്നതിനൊപ്പം ആത്മാർത്ഥതയോടും ഭക്തിയോടും കൂടി ഈ പരിശീലനത്തിൽ ഏർപ്പെടാൻ പലരെയും പ്രചോദിപ്പിക്കുകയും ചെയ്യുന്നു.
