കൊല്ലം: ഒഡിഷ ആസ്ഥാനമായ ജിന്ഡാല് സ്റ്റീല് ആന്ഡ് പവര്, ബഹുരാഷ്ട്രകമ്പനിയായ റെഞ്ച് സൊലൂഷന്, ബംഗളൂരു ആസ്ഥാനമായ സാല്മണ് ലീപ്പ് തുടങ്ങിയ പ്രമുഖകമ്പനികള് കേരളത്തില്നിന്നുള്ള എന്ജിനീയറിങ് ബിരുദധാരികളെ തേടുന്നു. 200-ല്പ്പരം എന്ജിനീയര്മാരെയും 2000-ലധികം ടെക്നീഷ്യന്മാരെയുമാണ് ആദ്യഘട്ടത്തില് വേണ്ടിവരിക.
സംസ്ഥാന തൊഴില്വകുപ്പിനു കീഴില് കൊല്ലം ചവറയില് പ്രവര്ത്തിക്കുന്ന ഇന്ത്യന് ഇന്സ്റ്റിറ്റ്യൂട്ട് ഓഫ് ഇന്ഫ്രാസ്ട്രക്ചര് ആന്ഡ് കണ്സ്ട്രക്ഷനെയാണ് ഇവര് സമീപിച്ചത്. എന്ജിനീയര്മാരെയും ടെക്നീഷ്യന്മാരെയും തെരഞ്ഞെടുക്കാനും അവര്ക്കു നിയമനത്തിന്റെ ഭാഗമായി പരിശീലനം നല്കാനുമുള്ള ചുമതല ഐഐഐസിയെ തന്നെയാണ് ഈ കമ്പനികള് ഏല്പിച്ചിട്ടുള്ളത്.
ഐഐഐസിയിലെ ‘ഹയര് ട്രെയിന് ഡിപ്ലോയ് പരിശീലന’ത്തില് രജിസ്റ്റര് ചെയ്യുന്ന സിവില്, ഇലക്ട്രിക്കല്, മെക്കാനിക്കല്, ബിരുദധാരികള്ക്കും ബി ആര്ക്ക് പാസ്സായവര്ക്കും അപേക്ഷിക്കാം. ഐഐഐസി നടത്തുന്ന ആപ്റ്റിറ്റിയൂഡ് ടെസ്റ്റ് ഇന് എന്ജിനീയറിങ് പരീക്ഷ ഗ്രൂപ് ഡിസ്കഷന്, അഭിമുഖം എന്നിവ വിജയിക്കുന്ന ഇരുനൂറുപേര്ക്ക് കമ്പനികളില് ജോലിക്കുള്ള ക്ഷണം ലഭിക്കും. ഇവര് ആറു മാസത്തെയോ ഒരു വര്ഷത്തെയോ പരിശീലനം ഐഐഐസിയില് പൂര്ത്തീകരിക്കണം. പരിശീല ഫീസ് കമ്പനികള് വഹിക്കും. പരിശീലനകാലത്ത് 15,000 രൂപയില് കുറയാത്ത തുക സ്റ്റൈപ്പെന്ഡ് ലഭിക്കും. തുടര്ന്ന് കമ്പനിയുടെ തൊഴിലിടങ്ങളില് വിന്യസിക്കും.വിവരങ്ങള്ക്കും അപേക്ഷിക്കാനും www.iiic.ac.in.
രാജ്യത്തെ പ്രമുഖനിര്മ്മാണക്കമ്പനികള് കേരളത്തില്നിന്നുള്ള എന്ജിനിയര്മാരെ തേടുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.