തിരുവനന്തപുരം : ഇന്സ്റ്റഗ്രാം വഴി സൗഹൃദം സ്ഥാപിച്ച് പത്താം ക്ലാസ് വിദ്യാര്ത്ഥിനിയെ പീഡിപ്പിച്ചു ഗര്ഭിണിയാക്കിയ യുവാവിനെ വര്ക്കല പൊലീസ് അറസ്റ്റ് ചെയ്തു. പാരിപ്പള്ളി പുലിക്കുഴി മുസ്ലീം പള്ളിക്ക് സമീപം താന്നിപൊയ്ക കൊച്ചുവീട്ടില് രാഹുല് (22) ആണ് പിടിയിലായത്.
നാലു മാസം മുമ്പാണ് പ്രതി ഇന്സ്റ്റഗ്രാമിലൂടെ വര്ക്കലയിലെ പെണ്കുട്ടിയെ പരിചയപ്പെട്ടത്. തുടര്ന്ന് വിവാഹ വാഗ്ദാനം നല്കി പീഡിപ്പിക്കുകയായിരുന്നു. വിദ്യാര്ത്ഥിനിയുടെ വീട്ടില് കയറി പീഡിപ്പിക്കുകയായിരുന്നു എന്ന് വര്ക്കല പൊലീസ് പറഞ്ഞു.
കുട്ടിയുടെ പെരുമാറ്റത്തിലെ വ്യത്യാസം ശ്രദ്ധയില്പ്പെട്ട രക്ഷിതാക്കള് കുട്ടിയെ ആശുപത്രിയില് കൗണ്സലിംഗിന് വിധേയമാക്കിയപ്പോഴാണ് പീഡന വിവരം പുറത്തുവന്നത്.രക്ഷിതാക്കളുടെ പരാതിയില് പോക്സോ വകുപ്പ് പ്രകാരം കേസെടുത്തു . പ്രതിയെ റിമാന്ഡ് ചെയ്തു.
