ടെഹ്റാൻ ; ഇസ്രായേലിന് പിന്തുണയ്ക്കുന്ന രാജ്യങ്ങൾക്ക് നേരെയും ആക്രമണം നടത്തുമെന്ന് ഇറാൻ . പാശ്ചാത്യ രാജ്യങ്ങൾ ഇസ്രായേലിനെ പിന്തുണച്ചാൽ അതിന്റെ പ്രത്യാഘാതങ്ങൾ നേരിടേണ്ടിവരുമെന്നാണ് ഇറാൻ പ്രസ്താവന .
ഇറാനിയൻ വ്യോമാക്രമണം തടയാൻ പാശ്ചാത്യ രാജ്യങ്ങൾ ഇസ്രായേലിനെ സഹായിച്ചാൽ അമേരിക്ക, ബ്രിട്ടൻ, ഫ്രാൻസ് എന്നീ രാജ്യങ്ങളുടെ സൈനിക താവളങ്ങളും അവരുടെ യുദ്ധക്കപ്പലുകളും ആക്രമിക്കുമെന്ന് ഇറാൻ പറഞ്ഞു.
ഇസ്രായേലിന് ഈ കുറ്റകൃത്യത്തിൽ നിന്ന് രക്ഷപ്പെടാൻ കഴിയില്ല. അവർ സ്വയം വേദനാജനകമായ ഒരു വിധി തിരഞ്ഞെടുത്തു. ഇസ്രായേലിനായി നരകത്തിന്റെ വാതിലുകൾ തുറക്കുമെന്നും നമ്മൾ അവരെ നശിപ്പിക്കുമെന്നും ഇറാന്റെ പരമോന്നത നേതാവ് അലി ഖമേനി പറഞ്ഞു.
