കോഴിക്കോട്: കേരള പുറങ്കടലില് തീപിടുത്തമുണ്ടായ വാന്ഹായ് 503 കപ്പലിനെ നിയന്ത്രണ വിധേയമാക്കിയെന്ന് റിപ്പോര്ട്ട്. കപ്പലില് വടം കെട്ട് ടഗ് ബോട്ടുമായി ബന്ധിപ്പിച്ചെന്ന വിവരമാണ് ഉളളത്.
സാല്വേജ് സംഘം ഹെലികോപ്റ്ററില് തീപിടിച്ച കപ്പലില് ഇറങ്ങി. ടഗ് ഉപയോഗിച്ച് കപ്പലിനെ കൂടുതല് ദൂരത്തേക്ക് വലിച്ചു കൊണ്ടുപോകാനാണ് ശ്രമം . കപ്പലിന്റെ മുന്ഭാഗത്തെ തീ അണക്കാന് കഴിഞ്ഞിട്ടുണ്ട്. മറ്റിടങ്ങളിലെ തീ കെടുത്താന് ശ്രമം തുടരുന്നു.
സംഭവത്തില് തീരസംരക്ഷണ സേനയും ഷിപ്പിംഗ് മന്ത്രാലയവും ഇടപെട്ടിട്ടുണ്ടെന്ന് കേന്ദ്രമന്ത്രി ജോര്ജ് കുര്യന് അറിയിച്ചു.തീ പടരുന്ന കപ്പലില് എന്തൊക്കെയാണുള്ളതെന്ന് പരിശോധിച്ചു കൊണ്ടിരിക്കുകയാണ്. സംസ്ഥാന സര്ക്കാരിന്റെ നിര്ദേശങ്ങളും പരിഗണിക്കുന്നതായി കേന്ദ്രമന്ത്രി വ്യക്തമാക്കി.
