തിരുവനന്തപുരം: ഓപ്പറേഷന് സിന്ദൂറില് പാകിസ്ഥാന് തോറ്റു എന്ന് അംഗീകരിക്കാത്ത ഏക പ്രസ്ഥാനം ഇന്ത്യയിലെ കോണ്ഗ്രസ് പ്രസ്ഥാനമാണെന്ന് അഡ്വ. ജയശങ്കര്. ഓപ്പറേഷന് സിന്ദൂര് വലിയ പരാജയമായി എന്നാണ് രാഹുല് ഗാന്ധി പറയുന്നതെന്നും അദ്ദേഹം പറഞ്ഞു.
ഇന്ത്യയുടെ എത്രയോ വിമാനങ്ങള് നഷ്ടമായി എന്നും മുന്കൂട്ടി അറിയിച്ചിട്ടല്ലേ ഇന്ത്യ ആക്രമണം നടത്തിയത് എന്നും എത്ര സൈനികരുടെ ജീവന് നഷ്ടപ്പെട്ടു തുടങ്ങിയ നെഗറ്റീവായ പ്രതികരണങ്ങളാണ് രാഹുല് ഗാന്ധി നടത്തുന്നത്. ഒപ്പം പാകിസ്ഥാന് ഷെല്ലാക്രമണത്തില് പരിക്കേറ്റവരെ സന്ദര്ശിച്ച് അത് ഇന്ത്യയുടെ ഏറ്റവും വലിയ യുദ്ധനഷ്ടവും പരാജയവുമായി അവതരിപ്പിക്കാന് ശ്രമിക്കുകയും ചെയ്യുന്നു. ഇത് കോണ്ഗ്രസല്ല, പാകിസ്ഥാന് നാഷണല് കോണ്ഗ്രസ് (രാഹുല്) ആണെന്ന് ജയശങ്കര് മിക്കവാറും പാകിസ്ഥാന്റെ പരമോന്നതബഹുമതിയായ നിഷാന് എ പാകിസ്ഥാന് രാഹുല് ഗാന്ധിക്ക് നല്കാന് സാധ്യതയുണ്ടെന്നും ജയശങ്കര് വിമര്ശിച്ചു.
കഴിഞ്ഞ പൊതുതെരഞ്ഞെടുപ്പിന് മുന്പ് ബാലകോട്ടില് പ്രത്യാക്രമണം നടത്തിയപ്പോള് രാഹുല്ഗാന്ധി തെളിവ് ചോദിച്ചിരുന്നു. ഇന്ന് സൈന്യം നേരത്തെ ആക്രമണം നടത്തിയതിന്റെ വ്യക്തമായ വീഡിയോ ദൃശ്യങ്ങള് നല്കിയതിനാല് രാഹുല് തെളിവ് ചോദിച്ചില്ലെന്നും ജയശങ്കര് പരിഹസിച്ചു.
